鮨穴

聽日又放假，又出街食，今次去咗時代廣場，時代廣場仍然有一部份食店裝修中，亦都開咗幾間新嘅，試吓呢間新開嘅鮨穴

叫咗三種壽司，都好新鮮

年糕天婦羅同海膽天婦羅，都OK

鮨穴頭盤，麻麻地

豚肉苦瓜炒蛋，苦瓜唔苦

侍應推薦天婦羅，試咗個雜錦天婦羅，唔錯

飯後甜品，橙雪芭，飽飽

正斗

一家四口，週末出街食，出門口落毛毛雨，唔使諗，去商場食唔使濕身，個個都唔係好肚餓，走咗去ifc正斗食雲吞麵，裝修咗嘅正斗有更多座位，可以坐多d人，做多d生意，啱嘅，以前太少位，客人又多，等位等到海枯石爛

酸薑皮蛋，皮蛋唔係好靚

招牌雲吞麵，點解雲吞細粒咗嘅

向高脂肪挑戰，乾炒牛河

唔知係咪落雨，今日好少客人，有椰汁馬豆糕送

是日敗物，粉藍色小盒

好大粒石呀

巨鑽鎖匙扣是也

閒情

星期五

又到週未假期，可以輕鬆一下，去food court食個下午茶

食咩好呢，牛腩好似幾靚喎，潮州紫菜四寶河好久冇食，咁就食紫菜四寶河啦，四寶好細粒，豬肉丸唔好味，早知都係叫牛腩河啦，應該學Andrew Zimmern話齋"If it looks good, eat it"

意外發現呢支提子汁，上次响西環買要$78，呢度$48，抵

Le Creuset 開倉 2013 九月

一年兩次嘅LC開倉，一次比一次多人，今次直情係逼爆，開倉第一日，大量炒家、代購、谷友，响富豪酒店個細場仔度撕殺，自問冇本事跟人搶，而且我唔太好stoneware，所以等到開倉後期先去睇，唔使排隊，當然亦冇乜野剩

買咗個巨型salad bowl，正確名稱叫做cassoulet dish，啱啱上星期上網見到，美金差不多二佰蚊，覺得好貴，點知開倉竟然有，重平咗40%

另外買咗個今次開倉好多人買嘅Lime色煲，其他真係冇乜野啱我，想買嘅risotto同22媽咪鍋雖然都有，不過都唔係我想要嘅色，同行JM都冇野啱，我地兩個都想買380，可惜一個都冇，俾錢果陣，見有人放棄咗幾件貨，咁啱有JM想要嘅焗盤，重係好靚嘅lavender色，估唔到有咁正嘅死雞執

後記：開倉始終唔係好啱我，反而期待十一月崇光感恩週，今次應該出紫丁香色，想要心心鍋呀

Le Creuset 新.經典料理

今日响書店買咗本新書，書入面介紹嘅食譜，全部都係用LC，食譜冇驚喜，最吸引我嘅，反而係保養鍋子嘅部份，因為我唔識養鍋，有呢本書就可以慢慢研究點養

每本書有抽獎卷，奬品都好吸引

重有折扣卷，可惜我唔係台灣人

呢個橢圓形焗盤，好鍾意呀

紫色媽咪鍋，唔知崇光感恩週會唔會有

呢個長方形焗盤都想要，寫咗响我個Wish List，希望願望成真

玉兔

打到嚟，打到嚟啦！

呢隻兔真係唔講得笑，超級颱風，連美國太空總署都@@實

晏晝去尖沙咀飲茶，三號風球海面都算平靜

一個群組分享嘅照片，話朝早一班飛去大阪嘅飛機上，有人影到玉兔風眼，唔知真定假，不過幾靚喎

另一有趣圖片，佢梗係唔想返工/學

哈哈哈

中秋節

今日係中秋節，响屋企食飯，自己煮D，老媽子帶D佢自己煮嘅嚟，其他人買D外賣，頭盤同水果，飽到唔識郁

原本想去行公園，最後因為太飽唔想行而取消

中秋節快樂!!

麻辣雞煲

買咗寧記麻辣鍋醬，都好容易整

材料預備好

加埋調味料，當然要有最重要嘅麻辣鍋醬啦

攪掂，辣辣，過癮:D

隨意

隨意寫寫十三姨一家的生活瑣碎事