阿元來了

星期六果日，有郵件收，郵差响樓下用大廈對講機問有冇人响屋企，答咗佢有之後，等咗半個鐘都唔見人，可能佢一層層去，未去到我果層，但我地要出街，等唔到佢，唯有走人，冇人收件，咁梗係放張領件信叫你自己去郵局攞

今日去郵局攞，攞完去附近食野，因為地鐵效應，附近都開咗好多食店，行過呢間，見到最多人係佢，咪試吓囉

個名咁得意

食台灣野

有D似台灣夜市

招牌都似

繁忙時間只限半個鐘食野，我唔係繁忙時間，但都坐滿晒

魯肉飯，好味

蚵仔煎，普通

百香果綠茶，OK，走果陣仲有人等緊位，好生意，個舖比較細，坐得好逼吓，附近都有幾間想試吓，會再嚟

去郵局就係為咗佢地

LC x DyDo 2015磁石，有我想買嘅長方形黑裏煲磁石\^0^/

瘋搶

崇光三十週年慶，今日推出限量版海岸藍花花煲，今次冇攪抽籤，靜靜地推出，可能藍色冇咁癲啩

點知都唔係喎，生果報都有報導喎，有人瘋搶喎，限量六十個，藍色唔係我最愛，花花亦唔係我最愛，唔關我事

睇相覺得有D似powder blue

四十人又唔算多人噃

其實LC次次出新色都係咁，攪到一眾粉絲又排隊又搶咁，但係之後又响日本出，又响韓國出，又响台灣出，甚至而家美加都有，又平過香港，所以我都唔會去搶，等吓就會有

我話咗我會暫停買LC，因為已經有足夠嘅煲用，但係仲有幾個我係想要嘅

Sugar Pink心心煲，因為我儲心心煲，呢個我未有，但我亦唔心急，一定買得到

俗稱醫生盒嘅長方形buffet，我已經有一個白裏劍麻色，但呢個黑裏我都想要

青椒煲，呢個亦唔急，一定有

Wasabi色心心，呢個已經絕咗版，所以一煲難求，有都會好貴，太貴我亦唔會買，得個睇字

最貴雪糕

十三姨丈睇中一部相機，雖然同佢用開嘅牌子唔同，但佢都好有興趣買嚟試吓，男人對電子野係特別鍾意嘅

買咗呢部

買完相機去咗Häagen-Dazs食雪糕，呢隻牌子嘅雪糕，係我食過最貴嘅雪糕，不過又真係好味

我同呀仔分享

呀女嘅

十三姨丈嘅

星期六晚，例牌出街食，臨出門口嘅時候，呀仔跌倒，個頭撞咗埋窗台

撞到眼角，喊到好大聲，腫咗一大舊，好彩冇傷到眼球

囍宴 甜·艺

今日約咗人响金鐘交收，交收完响附近行吓，順便食埋晏，由於時間已經接近兩點，好多人走，我可以慢慢睇吓食乜

行過囍宴 甜·艺，見佢地門口餐牌幾吸引，再睇吓，見佢地話兩點後入坐午餐有六八折，咦，兩點囉喎，抵喎，就入去食啦

午餐有例湯

同埋一款飯或麵，我揀咗擔擔麵

另外見口水雞好似唔錯，加咗一碟口水雞

午餐如果加廿四蚊有甜品，我加咗個湯丸

午餐兩點後有六八折，口水雞唔係午餐，都有八五折，食物都唔錯，可以再嚟

今日約咗人交收嘅係佢

英國出嘅3 bloom同埋cool mint磁石

cool mint係新色新款煲，個煲耳改大咗，隻手大D都攞到，同埋個蓋個knot平面改大咗，平穩過以前咁話

花卉展

噚日同好JM傾開計，我話我呢兩日會好得閒，因為呀仔去咗宿營，唔使走嚟走去，可以去吓街，咁就約咗今日一齊去睇花卉展

先去銅鑼灣食晏，第三次去Jamie's Italian

青菜沙律，D菜乾咗少少

焗龍蝦伴意粉

羊扒

食完行過去維園，今日天陰陰，唔算多人

花卉展入口

好多花，好靚，有紅色花

紫色花

黃色花

玫瑰花

太陽花

康乃馨

蘭花

用花砌嘅火紅鳥

仲有菜啦

其他植物

各種植物

檸檬都有

仲有士多啤梨

FINDS

早兩個星期前約咗好JM去tea，點知餐廳打嚟話果日有function，所以要取消，咁唯有改時間，改咗今日去

我去過兩次嘅帝樂文娜公館，今日去到又係有function，改咗去樓上dada bar度食

大堂一角

老夫子圖案櫈

今次嘅主題FINDS x Green Gate

Green Gate係丹麥牌子，FINDS係食北歐菜

枱布同餐具都係Green Gate

我嘅牛奶咖啡

好JM嘅香矛薑茶

主角tea set

有一杯mousse，上面點着vodka酒

另加一件士乾同一件蘋果酥，份量唔太大，啱啱好食晒，味道就普通，但坐得舒服又唔會趕你走