天津大爆炸

天津發生咗危險倉大爆炸，七佰幾人死傷

睇新聞見到嘅片段，好可怕

幾仟架車燒剩個架，响網上見到燒傷嘅人皮開肉爛上救護車，完全冇野保護，睇得個心好唔舒服，好擔心佢地受感染，亦有好多消防員殉職同失蹤，消防員加油啊!!向你地致敬!!!

蟹麵館

落咗幾日雨，今日終於出太陽，兩個細路去運動，我走咗去食野，去咗中環食

龍蝦寶寶嘅兄弟店蟹麵館

餐牌

冇龍蝦寶寶咁多調味料

蟹肉干燒伊麵

加咗碟炸蟹肉雲吞

蝦多過蟹

無花果薏米水

兩間嚟講呢，我都係鍾意龍蝦多過蟹，始終蟹肉煮完唔多見肉，唔同龍蝦咁啖啖肉

破戒

我响加拿大嘅時候見到出咗Cool mint色花花鍋，個心沉咗一沉，諗住人在外國，想買都買唔到，但係仍然安慰自己，應該仲有嘅，最多咪等吓囉，代購都應該買到，當你個心諗住唔會有嘅時候，點知原來仲有

唔知係咪早前已經有代購可以買，所以有一批人已經買咗，定係貨量真係多，定係已經飽和？？竟然仲有花花鍋買，唔理佢點解，最重要係我買到

呢隻色係我近期最愛，原本話除咗心心鍋之外，唔會再買煲嘅我，都忍唔住要破戒

透心涼花花

買四件石頭有六折，店員極力推介我買大深花碟，因為最多人買，但係我唔太鍾意，所以只係買咗細深花碟同埋幾件石頭

愛死啦

見到有promotion，呢個蘋果去皮機，之前响電視見個廚師用，覺得好快喎，呀仔又鍾意食蘋果，經常會用到

做緊九折，買！

售貨員推介慢磨機

想買慢磨機好耐，但係又驚三分鐘熱度，買完又係放埋一邊，呢部好似有D低B，見佢唔使用電，感覺較環保，平平地，又試吓

Western Landmark

雖然返咗嚟幾日，D時間仲係未調節返，一到黃昏，就好眼瞓，呀仔甚至會瞓着，我都可以頂到夜晚，但係食完飯就坐咗响梳化瞓着，瞓一陣就起身睇電視，想調返好D時間，所以盡量頂到平時瞓覺嘅時間

今日都早起身，午餐同兩個細路去附近嘅Western Landmark食

經過好多次，但第一次入去食

因為見佢有賣酒，應該主力做夜市

樽裝水，兩個細路以為係酒

飲番杯桂圓蜜糖茶潤一潤

呢度主要食西餐，但我地最近食得太多，想食中式野，我食台灣牛腩牛筋麵

呀女食豬扒烏冬

呀仔唔想食野，叫咗個煙肉芝士焗椰菜花一齊食

水果

去旅行離唔開飲飲食食，日日都係食到好飽，腰圍加多咗幾吋返嚟，雖然日日食好多野，但係就唔多蔬菜水果，所以去旅行最想食就係水果，除咗响蒙特利爾個街市買過水果食之外，差唔多都冇食過，所以一返香港，就要買水果食

始終有D水果外國真係買唔到，好似榴槤咁，夏天最當做，但係外國就冇得食，香港就唔同，一入超市就聞到榴槤味，唔買對唔住自己

貓山王

日本超甜粟米

日本桃，兩種都試吓，睇吓邊種好味D

藍莓

芒果

仲有橙、香蕉、車厘子、蘋果等等，冇影到相，全部都好味好甜，食番夠本先得

錯過

去咗加拿大兩星期，其間只有酒店同部份餐廳有wifi，所以大部份時間都上唔到網，雖然係咁，都知道香港發生緊咩野事，就好似LC開賣cool mint新煲咁，我都知道，只係去唔到買，冇諗過佢地咁快出，錯過咗今次，唔知幾時再有，不過有求就有供，應該仲有機會買到

呢個色好靚

仲收到電郵，知道privilege nights响我返嚟果日，啱啱好趕得切去

每次都有份禮物

今次係方包形木砧板

當然仲有贈品啦，有兩杯香檳、一支雪條、一包朱古力、一個沙律卷同埋一包奇亞籽，今次嘅贈品唔多啱我，香檳飲咗，唔夠凍，雪條食咗西瓜檸檬味，好淡，應該健康食品，冇添加，所以較淡

暑假2015 - 加拿大 Day 15

今個假期最後一日啦，要返香港，兩點幾機，十一點幾去機場check-in咗行李之後，同朋友去飲埋茶再返機場登機，第一次check-in完仲可以離開機場去食野，一來機場近，二來機場冇中茶飲

今日天氣麻麻地，拜拜加拿大，香港我返嚟啦，Home sweet home\^0^/

十二個半小時機，全程又係冇瞓，睇戲

騙子與愛情故事

迪士尼電影，呢套啱小朋友多D

劇情一般，個女魔頭冇乜力

真人真事改編

怪怪地

為女主角而睇呢套戲，普普通通