又係一年一度

又係一年一度嘅崇光感謝週啦，又係大家耐性同體力嘅考驗啦，又係LC粉準備放血嘅時候啦，第一浪嘅紫色石頭，令一眾JM四出搵石，仲未搵到嘅要繼續搵，但係第二浪又嚟啦，又嚟玩抽籤

噚日開始可以登記抽籤，抽籤呢個遊戲，好難玩<.<"

今次得三款煲抽，數量比以前多喎，上次隻海岸藍仲有嘅？賣剩？

抽唔到花煲嘅，仲有機會，呢D機會唔係屬於我嘅U.U

又係一年一度嘅，仲有溜冰比賽，今年報咗三個項目

先响太古城比賽

再去又一城

呀女個人項目得第一名，呀仔個人項目第二名，雙人項目第四名，四面金牌，好叻叻呀\^O^/

球哥燉湯

聽日兩個細路又要去比賽，今日出去買D比賽用嘅野俾呀女，諗住去上環永安買，所以先去附近食野

近年蘇杭街開咗好多新食店，去果邊睇吓有乜野食，唔行唔知，原來新開嘅食店真係好多，比我想像中多，涼涼地，想飲碗熱湯，見呢間專賣燉湯嘅就入去試吓

我唔知邊個係球哥，只係想飲湯

裝修好簡潔

我叫咗午餐，西芹洋蔥炒牛肉跟飯

白胡椒豬肚燉雞湯，胡椒夠味，可能因為係燉湯，味道比平時飲果D清

食完去永安買野，唔少得走去家品部睇吓

見到可樂 x Riedel，買三送一，幾抵喎，我鍾意佢夠輕身同埋個杯形靚

聽人講Riedel嘅酒杯點好，我未試過，亦未必識分，有朋友鍾意飲威士忌，佢會隨身帶住個Riedel single malt杯，每次飲酒都會攞出嚟用，問sales，佢話人手做嘅single malt杯要六佰幾一隻，機做就二佰幾一隻，平價版可以要嚟平時朋友嚟屋企果陣用，因為打爛冇咁赤

牛陣

前日LC响網上公佈，响噚日下午四點開始，可以上網買新出嘅石頭，早講吖，唔使排餐死，噚日三點幾就開始對住個電腦，因為驚唔夠人快，又驚俾人買晒，四點一到即刻入去買，唔知係咪多人上網買，loading好鬼慢

好彩我最終買到，而家等收貨

晏晝出去太古城買野，先去食野

去咗大食代裏面嘅牛陣

配料任食

有飯、炒飯同日式咖哩

我攞咗少少配料

呢度係食火鍋嘅

和牛同埋煙肉任點

甜品係雪糕，如果食到幾球都抵番

我只係食兩球咋，飽啦

禮物和手信

一年又過，又大一歲，今年生日咁啱又係放假後，所以除咗生日禮物之外，亦收到一堆手信

今日去攞呀女張梳化，隨便去換埋個生日蛋糕

呀女揀嘅蝴蝶夫人蛋糕，又靚又好味

除咗蛋糕之外，亦收到杯子蛋糕

頸巾

護膚品

首飾

CS送嘅杯等等

而手信方面

有去完東京嘅好JM送嘅朱古力

嚟自越南嘅咖啡

老媽子去完大板嘅凡立貝

另一嚟自東京嘅蛋糕仔

好JM幫我响日本抬返嚟嘅LC MP色Legumier，好可愛

仲有兩set叉仔，唔該晒*\(^o^)/*

多謝各位親朋戚友嘅禮物，各位响fb、短訊、電話、Whatsapp嘅祝福同心意，多謝晒，希望家人朋友個個身體健康，事事順心（＾ν＾）

Lemongrass

噚日儍儍的走去排隊買LC，一排就三個鐘，冇食野，冇水飲，更加冇得去厠所，LC同崇光都冇好好為客人安排，苦了客人

排完三個鐘，又餓又攰，走咗去希慎廣場食野，見到呢間食泰國菜，又想食辣野，就去呢度啦

香茅泰式料理

雞蛋形調味料

冬蔭公

咖哩雞肉跟飯

飲凍檸水，食物普通，服務就幾好，餐牌食物好多星馬菜，唔係全部泰國菜

失手

原來LC新色石頭今日開賣，聽聞會返貨，而且數量都多，所以應該唔使心急買，但係咁啱今日要去學校，去完學校九點幾，經過銅鑼灣，梗係要走去睇吓啦

原本想去CS，但係諗吓，CS個位細，可能貨量唔多，所以去咗崇光，去到有幾十人排緊，唔算好多人，所以排埋一份，原本我諗住排個幾兩個鐘，點知最終排咗三個鐘，儍的嗎？到我果陣時，已經冇晒五小花，最慘係sales執漏咗小深花，自己又失手冇點清楚(T . T)

今次個紫色好靚

低估咗條人龍嘅等候時間

原本只係諗住買兩隻大深花嘅我，最後買咗全部四色大平花

四色大深花

小平花

可惜欠缺咗四隻小深花，唔係就完美啦

大合照，仲買咗一盒五支匙羹

今次儍儍的走去排隊，上咗寶貴嘅一課，下次要買就要帶櫈，要去就要最早，又或者唔去，遲d日本同台灣都應該會出，日本可能更平添，其實排咗個幾鐘想走，但又覺得好唔抵，又驚後悔走咗，所以最後都係排落去，後尾先知中環店有磁石送，仲冇咁多人添~_~;

紫迷注意

紫迷注意～紫迷注意～

LC bluebell purple色鑄鐵鍋出咗價錢同售賣日期啦，不出所料，真係响十一月嘅崇光感謝週出啦，同以往一樣，又係要抽籤，唉，抽籤遊戲，永遠冇我份(T . T)

顏色好靚啊，而且個價錢平咗，今次實會瘋搶啦

26cm buffet連trivet，特價$2800

花煲特價$2388

心煲特價$1888

20cm圓鍋$1780，25cm橢圓形鍋$1900

當然唔少得石頭，五個新色，好靚色，連唔多愛石頭嘅我，都心動

想要深花碟兩隻裝$668

水果叉$408，日本有得買，而且平一截，我已經有啦，我只係想要心煲同埋兩隻花碟咋