魚鮮生

又出去銅鑼灣啦，上次買咗兩條褲同兩件衫都要改，sales打嚟話可以攞，咁就出去攞衫加食晏，冇諗住食乜，出到去再決定，行去食肆集中地登龍街睇吓

見到呢間新開

門口掛咗三條鯉魚，唔記得咗呢D鯉魚有乜野含意

細細間

午餐餐牌

想食海膽丼，店員話冇海膽，唯有食過第二樣

前菜

麵豉湯

葱花拖羅松葉蟹丼，食物唔錯，店員有禮貌有笑容

熱熔芝士爐

早前去時代CS行，做緊芝士節，推介唔同款式芝士，我地都幾鍾意食芝士，見到有個熱熔芝士禮盒，而家一套咁買都幾抵，所以買嚟試吓

有三款芝士同一個熱熔器

一個禮盒包住

三包芝士加一個熱熔器

有Monteo

有Truffles Raclette

同埋Raclette各150g

看圖安裝

好簡單

洗一洗就用得

預備好麵包同叉

一陣就溶好

點麵包食，GOOD~

鳳城酒家－上環店

前年去過上環嘅粵來順食飯，食物水準唔錯，我地之後都去過幾次，最後一次去係舊年，其實係早幾個月，我地六個人，叫咗個燉湯二佰幾蚊，湯渣多過湯水，只能夠勉強裝到四碗半湯，我地問個侍應點解咁多湯渣，佢話佢地D湯一向都係得四五碗，但係我地去過幾次，根本唔係（睇番之前寫嘅網誌，個窩湯都好大窩，如果唔係渣多過水，一定夠飲），而且如果係咁，落單果陣點解你唔話一窩唔夠飲呢，搵經理，佢地話冇經理，其中一個侍應話叫我地叫多一窩咪夠囉（鬼唔知咩），而且態度奇差，最終我地走咗冇食到，我地都覺得好奇怪，點解差咗咁多，唔夠一個月佢就執咗，原來就就嚟執，可能伙記冇糧出，唔多happy

舊舖執咗，新舖開咗，以前响西港城果邊嘅鳳城酒家，而家搬咗嚟呢度

搬之前都未去過，第一次嚟

裝修過，但格局冇變

看圖點菜

食順德菜

有鍋貼大明蝦

生菜鵪鶉鬆

脆皮炸子雞

順德小炒皇

家鄉釀鯪魚，食物OK

張記口水雞

早前睇雜誌介紹，西環有一間賣口水雞嘅外賣店，一講我就知邊間，因為佢啱啱開果陣，我已經想試，但係佢只做外賣，所以一直未有機會試，終於呢日經過買咗嚟試，有時人多嚟食飯，煮唔到咁多野，要買野食都多一個選擇

店子細細，黃昏時段都多人嚟買外賣

一眼睇晒成間舖

鹵水好似做得唔錯，仲有佢地自家制涼粉

牆上有餐牌

價錢唔貴，亦有外賣飯盒

夫妻肺片

口水雞，兩個味道差唔多，都係同一個汁，都OK，我叫咗小辣，唔太辣，下次叫中辣

WAA LAH! Cafe

早前去咗睇牙，一早去睇，因為要睇牙，所以冇食野兼擦乾淨D牙先去，果日有D凍，可能因為空肚，睇完牙就去食野，時間尚早，好多都未開，經過呢度見開咗，就入去試吓

响白沙道

冇乜人

又係一個大水吧

咦，呢間好似响邊度見過，原來同一公司

侍應話可以坐近個暖燈，佢好似知我凍咁

先嚟杯熱咖啡

Lah! 撈丁，食物都OK

北海丼

呢排D商場都開咗幾多新食肆，除咗太古廣場之外，同樣係太古集團嘅太古城都係，一田沙田店同崇光超市都會裝修，到時又有一番新面貌

去咗太古城試新野，食丼為主

新開就梗係多人，好彩有吧枱位，睇住廚師整

各式丼材料

迷你三色丼，好似幾好

想食海膽，但隔離個招牌北海丼，同樣價錢，好似抵好多喎

熱湯海鰻丼好似幾好

最後都係食海膽，因為係諗住嚟食海膽

原板上

好似幾多，實際唔係好多，食咗半碗飯，已經冇晒，雖然海膽都新鮮好味，但就係食得唔多過癮，應該叫招牌北海丼

另外叫咗個海鮮茶碗蒸，柚子味，唔錯

有人叫三文魚子飯，CF會出嚟，一路落一路叫Oisa Oisa，直至碗飯舖滿魚子為止