唔使等

最近個市真係好靜，去到邊都唔使排隊，行街唔使逼，食飯更加係唔使等位

是夜外出食晚飯，諗緊去邊度食好呢？忽發奇想，同十三姨丈講，不如去D平時唔訂枱一定冇位嘅食店，咪唔使訂枱都有得食囉，於是去咗平時唔使指意有枱嘅利苑，果然真係有位

溏心皮蛋，正^o^

素鵝，OK

滷水牛腱，GOOD

燉湯，十三姨丈最愛

燉料都好足

脆皮雞，兩個細路最愛

夏果炒帶子

排骨煲

冇骨羊腩煲，啖啖肉

薑汁介蘭

樣樣都唔錯，招呼都幾好，唔怪得咁難訂枱

　

約定

早於一個月前已經約定嘅飯局，終於到啦，去咗銅鑼灣Midtown嘅小蝶，應該係以前彩蝶軒嘅續集，因為個英文名係Zen Too，所以我估應該係

裝修似樓下果間The Chop House，杯碟顏色好彩，遠睇以為係膠杯膠碟，原來係瓷器，可能因為我地多人，D餸分一份份上枱，好似去飲咁

頭盤三式拼盤

川貝龍利葉燉湯

牛頭到尾，啫係炆牛舌、牛肚、牛尾，個汁係用蔬菜煮成，好清好甜，用迷你小饅頭伴食，GOOD

火山豬手，响枱上倒入黑椒汁，好似食鐵板餐咁，D煙沖上嚟好似火山爆發咁

每人一份

黑松露海鮮燴飯，好味，好飽

生磨杏仁茶

明明好飽，見到咁靚嘅點心，想唔食都唔得，脆麻花好脆，蛋撻係酥皮，我最愛

飯局完咗，仲有朋友送嘅禮物

多謝晒

板長

兩個細路唔使返學，响屋企冇所事事，出咗去食晏

呀女想食壽司，其實問親佢想食乜，佢都係話食壽司，近近地去咗板長食

先嚟個蟹肉蒸蛋

兩個細路都要食玉子壽司

我叫咗幾樣

我嘅鰻魚壽司

我嘅油甘魚海鹽同平目魚壽司，重有呀女嘅三文魚刺身

我食親壽司都要有海膽壽司

火炙鵝肝壽司，好味

再加個和風牛肉飯，飽晒\^O^/

是日敗物

收到早前買嘅新磁石

好好好可愛

攞經驗

今日兩個細路去咗運動比賽，一個獎都冇，預咗嘅，對手真係強好多，都係攞個經驗，希望下次有好成績

雖然冇獎攞，都可以去慶祝，一年一度嘅大閘蟹季節又嚟啦，病完一輪，好番晒，乜都可以食啦，又去鴻星食大閘蟹

今日叫咗大閘蟹餐，每人一隻蟹粉小籠包

每人一碗雞燉翅

當然要飲番杯花雕啦

每位三隻大閘蟹

美味嘅蟹羔^0^

其實個餐仲有野食，不過冇手影啦^^"

病

重·感·冒·病到死死吓，病咗幾日，日日好似發夢，食藥食到變咗睡公主zzz

今日好得八八九九，又可以出動啦，約咗好JM食飯，去咗中環嘅花串

叫咗兩個set lunch，一個刺身午餐

另一個八串串燒

樣樣有D

仲有個吞拿魚腩碎飯，食吓傾吓，侍應係咁收野，啫係提你佢夠鐘收工啦，重唔走

行吓街，一路行一路傾，行吓行吓行咗去ifc，去食番個甜品先，去咗Robuchon食tea

我只去過置地果間，呢間未嚟過

環境當然靚啦

而家tea set得一款

Robuchon x Synactif，食完重有兩張20分鐘美容按摩券送

好JM啱啱去完旅行，仲有手信添，多謝晒\^^/

簡易單骨雞翼

上次同鍾意整野食嘅好JM傾開整野食，佢介紹咗個簡單嘅單骨雞翼做法，只要買燒肉汁嚟醃雞翼就得，我响CS買唔到支燒肉汁，後尾响Apita買到

材料非常簡單，一包雞翼，一支燒肉汁

將雞翼剪開做成單骨雞翼

加燒汁攪勻，放入雪櫃雪一晚ZZZ

話說今日LC又出新毒物，噚日心思思想敗個22cm粉紅黑裏媽咪鍋，又想要個22cm粉紅buffet，但其實我都有個22cm橙色媽咪鍋同22cm紅色buffet，但粉紅色太吸引，諗緊係咪買兩個新粉紅色，賣咗兩個舊嘅呢？左諗右諗，都係        唔買，總唔能夠見一個買一個，成日都有新色出，留番下次再敗

炸野最好用黑裏，22cm黑裏最啱，燒熱油

落雞翼炸

炸好之後隔去多餘油份就食得啦

新到

LC新出嘅紫粉紅色已經出咗一段時間，都唔算瘋癲，仲有貨，上日本官網睇，有幾樣野想買，所以決定自己訂再搵轉運送嚟香港

今日收到郵包

開箱啦

今次送粉紅色磁石，正^o^

酒袋，其實冇諗住用嚟裝酒，但未諗到裝乜

布袋仔，諗住裝手袋入面嘅雜物

個煲仔吊飾好得意

粉紅禮物盒形盅仔

之前一直諗住買嘅碟，要嚟放水果

主角出場啦，紫粉紅心心(^○^)

仲有佢，紫水晶色橢圓形buffet

迷上LC真係好似吸毒，話唔買又買，話收手又收唔到，係咁出新野嚟引誘粉絲出動，今個月開倉，明天又出新野

22cm黑裡粉紅同粉藍媽咪鍋、22cm粉紅buffet，重送粉紅磁石，重唔死？下個月又崇光感謝祭，毒海冇崖呀 T_T