失去

今朝早聽到新聞，諾貝爾獎得主John Nash車禍身亡嘅消息，世上又失去一個天才，最近電視先播番「有你終身美麗」，所以對佢有D認識，希望佢同佢太太安息。

百味鮮

呢幾日落雨，又黃雨又紅雨，加上呀女下星期要考試，所以呢個長週末，我地都係留响屋企多

今日晚餐出街食，去咗屋企附近嘅百味鮮辣蟹專門店

避風塘炒蟹，我地食少辣

為呀仔而叫嘅蜜辣雞翼走辣，係單骨雞翼

乾煎豬仔骨

豆豉滑雞煲

胡椒酸菜粉絲魚腩湯

金銀花浸芥蘭

黑松露蛋白炒飯

呢間食店嘅菜式我覺得係廣東菜加少少潮州菜再加少少泰國菜，味道好，蟹新鮮，可以再嚟

天府人家

我都鍾意食吓辣野，但係好難搵人陪，因為唔係個個食辣野，雖然有個好JM鍾意食辣野，但係佢係食好辣好辣果種，同佢去食辣，佢會問侍應邊款菜最辣，就點晒最辣果D，食完個咀唇都變咗孖潤腸，太辣我頂唔順，而且有D食物太辣就冇咗佢原本嘅味道

果日同一個家長傾開計，原來佢同我一樣嘅情況，佢話下次食辣野叫埋我，所以今日同佢，同埋佢幾個朋友去咗食辣辣嘅四川菜，佢幾個朋友我唔熟，所以影咗好少相，亦因為唔係我叫菜，所以唔知D餸叫乜名，由原籍四川嘅朋友發板

第一次嚟，午餐坐滿晒

呢碟唔辣嘅雞

一睇就知係水煮

係魚片

最辣係呢碟小食，唔知叫乜東東，食物唔錯，四川人話呢間火鍋都好，冬天再嚟試吓

今日LC又出公布，冇心心鍋(ToT)/~~~

咁我唔使去啦

HeSheEat

噚日出去銅鑼灣攞禮券，午餐去咗銅鑼灣地帶嘅HeSheEat

過年前嚟過一次，個電梯壞咗，行樓梯上去，但係又裝修緊，圍晒板同布，行嚟行去都搵唔到點上去，又嘈沙塵又大，最終走咗，今日個電梯冇壞，坐電梯直上二樓，唔使搵，一出電梯轉右就見到，啱啱開咗門一陣，唔多人

青瓜芒果茶，第一啖覺得麻麻地，果舊好似雪糕嘅球，原來裏面係芒果汁，外面係一層冰咁，層冰溶咗少少，芒果汁流出嚟，混合埋個茶，好飲好好多

火腿芝士意大利麵，麵條似係自家制

香蕉窩夫，香蕉有一層脆焦糖，窩夫又好味，正～如果香蕉底面兩邊都係脆焦糖更加好

買咗D蜂蜜飲品，係捐俾學校，用嚟做攤位遊戲獎品

見到迷你鯛魚燒

買咗十五個，我覺得餡太甜

禮券日

以前我都會用銀行信用卡積分換吓禮品，通常換埋D貪得意野，用幾次就打入冷宮，真係啱用果D又通常唔夠分換，而且攞禮品比較麻煩，一大盒野攞住响街，好唔方便，所以我而家都係換超市禮券，之前參加咗信用卡個〔獎賞錢〕禮券計劃，係將所有積分換現金卷，一來一定用到，二來攞完放入手袋唔麻煩，上個月收到銀行信，而家去攞

連埋其他禮券一齊攞，再順便用埋之前送嘅禮券，今日都算係我嘅禮券日

憑信件去攞，可以換各大超市同藥房等等嘅現金券

我換晒惠康禮券

另外之前又參加咗〔最紅簽賬獎賞〕，响崇光消費滿指定金額就可以換崇光禮券

禮券2018年先至到期

仲有連卡佛禮券，上次响連卡佛買YSL護膚品有禮券送，今個月內要用咗佢

用嚟買化妝品，今次呢幾件產品只要俾三份之二價錢就得啦

ethos

星期六有郵包嚟，但係冇人响屋企，所以又係放低張咭叫你自己去攞，點解成日都係星期六嚟？次次都係冇人佢先嚟嘅，咁又要去郵局攞啦，去郵局前先醫肚

因為地鐵效應，郵局附近都開咗好多食店，今日去咗ethos

位於山道嘅ethos

旁邊兩個舖都係佢地嘅，一個係賣畫，一個係賣手工製品

店子細細一眼睇晒

水吧

黑色水壺&冰桶

樓底好高

先嚟杯橙汁

黑色餐具，感覺店主應該係男仕

白酒煮青口

沙甸魚蕃茄意粉，兩樣都係細細碟，味道OK

食飽飽先有力行去郵局，其實唔係我嘅郵包，係幫好JM買嘅狗仔衫，佢响樂天市場見到，但係佢又冇用過轉運，所以搵我幫佢買，而家D狗仔衫真係靚，三件衫連運費為到港紙五佰幾，佢話好平

好可愛呀

執死雞

想抽LC sugar pink心心鍋抽唔到，好失望，點解？因為覺得呢個色其實唔及chiffon pink咁多人鍾意，之前見韓國代購有得訂，但冇人落搭，所以我諗住到香港出果陣，我都應該有機會抽到，可惜都係抽唔到，不過咁，LC公布，會將未有人去攞嘅煲放番出嚟賣，有死雞執，之前幾次抽獎都唔見LC公布執死雞，唔通今次好多死雞？去唔去好呢？十五十六，因為而家日本都有SP花煲，都有大量貨，遲D如果日本出心心，可能再平D，所以諗緊係咪再等吓先，好似我個劍麻色長方形buffet咁，越等越平

諗吓到時去唔去好

午餐去咗泰國人海南雞，咁梗係食番碟雞先啦

海南雞飯，麻麻地，個辣醬幾好味

珍多冰，好甜

椰汁芒果糯米，都係甜咗D

行過商場見有沖繩手撕菠蘿賣

切咗個底，然後一粒粒釘拉出嚟食，正～