最凍

好凍呀！好凍呀！今朝睇天氣，得四度，好凍呀！我有生以嚟，應該最凍都係今日啦，不過聽日可能仲凍，咁凍真係唔想出街，但係冇可能唔出街，買餸都要出去啦，唔通成家食杯麵

星期三開始暖番D

咁鬼凍，唔使講，梗係在家打邊爐啦，今日可以話全城打邊爐，個個JMs都po打邊爐相就知啦，有個JM今日午晚餐都係打邊爐，超市嘅打邊爐物料全部沽清，好得人驚

24cm risotto出動，呢個鍋用嚟打邊爐真係啱晒

超市買唔到野，去咗Seamart買

有湯送

睇新聞，今日大帽山有結冰

但係有多人不適

呀仔聽日唔使返學，正～

牛一

全家牛魔王，個個都鍾意食牛，去一般打邊爐嘅食店，我鍾意食手切本地肥牛頸脊，但係價錢較貴，如果一家人食，起碼要叫兩碟先夠，都幾赤吓

好JM一家又係牛魔王，因為佢個仔發育時期，而且非常高大，食極都唔夠，佢介紹我去食日式火鍋放題，好抵食，食多多都唔會赤，所以我地都去試吓

去咗利舞臺嘅牛一

由佰幾蚊一位去到三佰幾蚊一位

小食配料

配菜

有白飯、炒飯同咖哩

飲品任飲

甜品係雪糕同冰乳酪，有各種配料

攞咗少少蔬菜

啤一啤

豚肉

我地食極上美國牛，原本十三姨丈想食和牛，但我覺得和牛比較肥，用嚟食火鍋好似唔多啱，食物選擇都多，真係好抵食，最重要係兩個細路都鍾意

School Food

今日又再凍D，天文台話星期一最凍，仲有兩星期就過年，呀仔D衫唔多啱着，出去買D衫俾佢，去咗太古城買

買野前，先食野，去咗食新派韓國菜嘅School Food食，銅鑼灣果間去過，呢間開咗幾個月，第一次嚟

商場佈置咗天燈，幾靚喎

餐牌都多咗D新菜式

炒牛肉伴三色飯，好味

炸雞伴沙律，唔錯，雞肉夠熱又夠滑

草莓浮冰梳打

原本想叫熱飲，但係咁大壼飲唔晒，所以改飲杯裝凍飲

紫的疑惑

LC又有新出品啦，好似舊年咁，响情人節出心心鍋套裝，心心鍋除咗新色之外，我都大致上齊色，今次出個新嘅心心淺鍋，個色叫做light bluebell purple，咁同bluebell purple係咪唔同色？之前睇報導，LC鍋嘅每個顏色係要特別調配，所以理應唔會只出一個淺色少少嘅顏色喎，咁如果呢個係新調配嘅色，咁係咪會出一系列淺紫色呢？好疑惑呀>o<

價錢合理，睇相好靚

今日相約好JMs飯敍，天氣凍，大家都話打邊爐，去咗銅鑼灣北斗翁食

開咗兩個爐

埋單有米送，上次都有

好JMs出嚟又破費

呀仔都有份

有臘味

有護膚品，多謝晒

今日收到郵包

又係LC

係USB

成記

上次去睇比卡超，山長水遠去到新蒲崗，既然嚟到，梗係要去食最好味牛丸啦

好鄰居上次幫我買咗好好味嘅牛丸，其實我冇問過佢响邊度買，淨係知响新蒲崗，朋友話新蒲崗最好食嘅牛丸，一定係成記咁話，咁就去成記會一會佢

成記牛雜牛丸

我同十三姨丈一人一碗牛雜河

兩個細路唔多鍾意食，所以叫咗淨牛丸俾佢地食

我覺得好似冇好鄰居買果D咁好食，係咪唔係呢間呢？會唔會質素下降咗呢？下次問清楚先去買

唔理咁多，買一斤返屋企食

隨時都可以整碗牛丸米食

Lobster Central

今日仍然係凍，有外國網站話嚟緊呢個週未，香港可能會落雪，我覺得唔會，要落雪首先要氣溫响零度以下，香港就算最凍果次零度以下，都係响山頂，唔係成個香港，而且成個香港凍到零度以下，都未必會落雪，加上之前用外國app睇天氣，發覺天氣預測唔準確，所以聽到話外國網站預報，就覺得唔會發生

香港天文台都話唔會，如果香港真係會落雪就好，唔使去外國滑雪

噚日見到雜誌介紹一間食龍蝦包嘅食店，响中環，鍾意食龍蝦嘅我，當然要出去試試

Menu

長形店，細細間，約有二十個位

龍蝦湯，鹹咗D

炸蕃薯條，OK

龍蝦卷，成隻龍蝦，啖啖肉，我覺得如果加D菜會更好

Café & Meal MUJI

今日凍咗好多呀，今朝得十一度，好凍，兩個細路話學校好熱，所以兩個都着夏天校服加長袖外套，我覺得唔多夠，但係見佢地D同學响學校都係着夏天校服，仲要係冇着外套，學校真係咁熱咩？？

想出去銅鑼灣買D衫，先去食野，去咗利舞臺廣場嘅無印良品度食，呢度啱啱開果陣嚟過，但係好多人，所以走咗，而家開咗咁耐，冇咁多人，可以坐底慢慢食

响商場三樓無印良品入面

有樣版俾你睇

呢度係自助形式，我叫咗四品料理，可揀兩款凍食同兩款熱食

跟十穀飯

連綠茶，$108，食物唔錯，其實想試吓雪糕，但係又好似太凍，都係下次暖D先試

食完野，買完衫，又去買車厘子食，上次果D食晒，今日果D仲大粒過上次果D，當然係貴過上次，$400/2kg

大過個五蚊