黛絲物語

又到呀仔生日會，好彩冇病到，佢同朋友仔都玩得好開心，咁又大一歲啦

生日會玩咗三個鐘

呀仔都係鍾意比卡超蛋糕

最近天氣凍，想飲熱飲，响萬寧見到一隻薑母茶，買嚟試吓

之前飲過台灣九份買嘅薑母茶，好大舊，要用菜刀斬開一舊舊先至可以沖嚟飲，比較麻煩

呢隻獨立包裝，一包一杯，方便得多

我覺得九份買果D好飲D，不過我鍾意呢個簡單

買埋個桂圓紅棗茶試吓

ALMa

LC公佈今日開始有櫻花系列賣啦，好快喎，跟得好貼吓喎，日本出咗幾日就出，咁應該好快有櫻花煲賣，我等～～

櫻花食物盒好靚啦，但好似好細

晚餐去咗尖沙咀食

新餐廳，好乾淨

有海景

藍白色餐具

我唔熟悉葡萄牙，但有關葡萄牙嘅野就會見到雞

薯蓉腸仔菜湯

藍白色湯碗好Like

炸馬介休薯蓉球

白酒煮蜆

葡式腸仔焗鴨飯跟薯蓉

烤乳豬跟蒜蓉炒菜

流心蛋糕

木槺布甸，原本入去食野係諗住食葡撻，但係我地叫果陣已經賣晒，呢度食物都唔錯

蠔飯

最近上網睇人家整蠔飯，我本身都鍾意食蠔，見幾款蠔飯都好吸引，都想試吓整，响日式超市見到有広島蠔賣，咁就買番一包嚟試吓

材料簡單

先洗蠔

18cm含羞草出動

用嚟煮汁

加入蠔

紫水晶花花出動

用汁煮飯

放上蠔

食得啦

S2 Kitchen

呢幾日仍然係凍，呀仔有少少流鼻水，佢差不多年年生日會都病，今年可能唔例外，晏晝出去幫呀仔訂生日蛋糕，訂完蛋糕去食晏

去咗上次想去嘅S2，但上次見到另一間餐廳有LC，就走咗入去食，今日終於去番呢間啦

响石板街賣萬聖節野嘅檔口後面

先嚟跟餐嘅前菜同湯

叫咗個海膽杯，十一層刺生，好新鮮

雞中翼釀清酒鮑魚

雞翼去骨，成隻鮑魚响入面，雞翼鹹咗D

凍冰冰，唔可以唔食番個熱食，牛肉烏冬暖一暖

源興隆

日本LC開始賣櫻花系列啦，就响我啱啱去完日本就出，冇緣一睹佢地嘅廬山真面目，只可以從網上欣賞

先開始賣石頭，花碟之前出過，花形食物盒我又唔係特別鍾意

花煲嘅顏色已經出過，係想買個花形knob啫，但係係咪冇得淨買個knob呢，好似係煲連兩個knob咁喎，三月出櫻花圖案煲，之前有人話係貼上去裝飾，而家睇又唔似喎，如果係永久印咗上煲嘅話，我都想買一個呢

兩個細路番咗學，午餐一人前，簡單食碗麵，之前睇介紹，見呢間有墨魚鬚食，所以嚟試吓

舊式食店源興隆

雲吞麵

淨墨魚鬚

油菜係西洋菜，食物都OK

La Crêperie

兩個細路始終係鍾意食西餐多D，所以如果唔係同十三姨丈食嘅話，我地都係去食西餐多，一人一份，各有各叫，而且唔會剩晒响度

今日同兩個細路出去食，去咗上環蘇坑街食，呢間專食法式薄餅，有鹹有甜

呢間經過多次，第一次嚟

燈塔係佢地嘅標誌，所以餐具都要有燈塔

先嚟杯咖啡提提神

兩個細路食肉醬意粉

跟一碗芝士，啱晒佢兩個

我食鹹薄餅La Super Complète

同呀女些牙一個Le Défi

呀仔食Nutella

人和荳品廠

年初八，今日兩個細路要上堂，放低佢地就去食野，今日銅鑼灣好冷清，唔知係因為仲有好多人放緊假，所以未回復熱鬧吖，定係因為個股市跌定點，經過嘅人大多係講普通話，啫係遊客居多

去咗好耐冇去嘅人和荳品廠，渣甸街以前有間賣豆品嘅舖頭，响而家人和荳品廠對面，我有個朋友細個住响果度，佢話佢細個果陣，星期日就會有幾架平治泊响門口，D人發咗達都會番嚟食野咁話，唔知係咪同一間呢？

魚肉煎豆腐，熱辣辣

凍豆漿，太口渴，飲咗兩啖先記得影相

豉油王炒麵

豆腐花，滑滑，好飽吖，食咁多都只係51蚊，抵～

路過時代廣場，見到好有新年氣氛嘅佈置，埋去睇吓

原來係介紹舞獅

除咗有經常見到嘅南獅

同北獅之外

原來仲有貔貅

同麒麟，真係唔睇都唔知