換燈

屋企D燈用咗好多年，門口果支燈有幾粒燒咗，完全唔着，飯廳燈又唔夠光，食飯要加支地燈，好攪笑，走廊燈都係唔夠光，應該話當時買咗唔係好啱嘅燈，因為燈膽响水晶入面，所以當燈亮着嘅時候，牆上面會有水晶嘅影，燈光唔夠之餘仲好花添

上星期去睇燈，好大鄉里，而家大部份用LED燈，唔使成日換燈胆咁煩，又慳電又夠光

門口燈，Before 

After

走廊燈，Before 

After

飯廳燈，Before 

After

成屋都光晒，其實仲要換埋兩個細路房燈同廁所燈，裝咗呢幾支燈先睇吓效果點先，再諗買邊D燈，因為廁所燈比較麻煩，今日問咗師傅，都真係好難攪吓

Pizza Zaza

開學之後，又開始忙碌嘅日子，雖然開始忙，但未算太忙，始終未到九月，九月就真係忙啦，睇見個時間表就暈暈地

今日仲可以食個悠閒午餐，去咗大坑食，兩個細路想食pizza，冇位，侍應話有張枱就嚟走，留低電話，去睇吓食第二D野，但係間間都坐滿人，正在進退兩難嘅時候，pizza果度就打嚟話有枱啦，GOOD~

第二次嚟

侍應推介嘅橙茶，OK

紅菜頭湯

雖然有位，但係好多野賣晒，頭盤蟹肉番茄乜乜，唔記得個名

巴馬火腿薄餅

即刨芝士响薄餅面，菜太多，可以放少D

燴牛面頰意大利飯，好味

食完去咗新雪糕店Loooop，特色係連雪糕杯同招紙都可以食埋

餐牌

XOXO，好靚

ZOO，其實都係普通軟雪糕，只係整得靚靚咁啫

斧頭扒

是日星期六

上次去Kinsale嘅時候，見到牆上塊黑板，寫住M5和牛斧頭扒，問咗侍應，佢地午市都有供應，不過午餐唔食得多，所以諗住下次晚餐去食

話咁快就到咗下次啦，叫個斧頭扒，有兩款配菜跟，我地驚唔夠，所以加咗個意粉

先嚟麵包

我飲雞尾酒Hocus Pocus 

斧頭扒嚟啦，影完相攞入廚房幫我地切開佢

配菜我地叫咗沙律

同埋焗芝士通粉

海鮮意大利麵

食得啦，好味，食唔晒，應該唔使加意粉就啱啱好

八方雲集

今日又繼續執屋，今日應該可以完成三份之一要執嘅野，希望下星期可以完成另外三份之一，然後再下個星期埋尾

午餐去咗屋企附近嘅八方雲集食，經過好多次，從未食過，有幾次想去但係見好多人，所以冇入去，今日冇乜人，可以試吓

餐牌紙，我叫咗麵線套餐

台灣麵線，個質地好似碗仔翅，好淡吓

酸梅湯

鍋貼，OK

Casa

呢兩日又係咁執屋，執開唔想停，執到兩點先去食野，去咗新開冇幾耐嘅Casa，响西環和合街，地點比較靜，不過附近有幾個樓盤就嚟起好，可能到時會旺D

近年都幾流行呢種玻璃門+黑色嘅設計

門前有自家種植香草

樓上得兩張櫈、一張bar枱同厠所，餐廳响樓下

開放式廚房

一個客都冇

樓梯下面有飛標，有兩部風機响度，可能人多果陣唔夠冷氣

侍應介紹嘅白酒，因為我叫咗海鮮，幾好飲

香辣虎蝦，辣辣地啱我

香煎吞拿魚伴青芥辣醬，如果個醬多少少仲會更加好

埋單成個mon放响度，咁攪笑，唔知係咪printer壞咗定點^_^;

新推出

LC今日公布，為慶祝九十週年，會以佢地公司成立嘅年份，推出1925個限量復刻版鑄鐵鍋

顏色以1925年首個面世嘅鑄鐵鍋顏色嚟做

Fb專頁有詳細介紹復刻板嘅特色

香港有九十個，多過九十人登記就會抽籤

禮品都幾特別，價錢就貴咗D

同一時間，日本都推出咗呢個復刻版鑄鐵鍋

但係日本多咗幾樣野，一套五個迷你鍋，好可愛，點解香港冇嘅？

日本亦都推出咗秋冬新色新產品

聽日應該會見到代購出post

睇嚟又要出血啦

博洛尼亞

噚日幫呀女砌咗個書架，再整多兩個架放廚櫃，總共上咗二十二粒螺絲，再幫呀女執好張書枱，噚晚隻手攰到舉唔起

今日又出咗去銅鑼灣，因為要幫十三姨丈買本書，諗住去誠品買，所以去咗希慎廣場，先去食野，去咗十三樓嘅博洛尼亞

呢間以八十一層酥皮吐司最出名，其實响佢未做門市之前已經上網買過，後尾响鴨巴甸街開餐廳都有去過

雖然坐出面個環境靚D，但係我記得前身糖朝果陣，出面係好熱嘅，所以我都係選擇坐裏面，冇乜人又涼爽

青檸梳打

炸豬扒三文治，豬扒乾咗D，酥皮吐司當然好食啦，個沙律都唔錯喎

買咗十三姨丈要嘅書之後，我又睇吓書，誠品唔多烹飪書，但係見到呢本Modernist cuisine at home中文版，早兩年响書店見過英文版modernist cuisine，一書五冊，三仟幾蚊，成張咖啡枱咁大，原來出咗本modernist cuisine at home，簡單好多，同埋只係一冊，而家出埋中文版，七佰幾蚊，有誠品咭有九折

本書十八吋長，好大本

內容好詳細講多種嘅烹調方法、工具、電器(有埋電器橫切面)

食材、食譜等等，噚日隻手攰到死，今日又攞本重到死嘅書，原本諗住今日再執呀女個房，太攰啦，明天再執