生日飯 2015

今年生日飯去咗鴻星食，我地如果食大閘蟹，都係鍾意去鴻星食，因為質素較好，而且價錢相比其他酒樓抵食，服務亦唔錯

以前多數去海港城果間，執咗之後去過中環、灣仔，今次就去咗格蘭中心果間，彌敦道果間都去過，但係都幾殘舊，格蘭呢間我地第一次嚟，都好新淨

未叫野就已經擺晒食大閘蟹嘅工具

我地叫四人餐，有十二隻蟹，四隻四隻咁上

好多膏，簡直係漿住個口

蟹粉小籠包

鮑魚仔

清燉雞湯翅

另外叫咗一個臘味煲仔飯，因為兩個細路鍾意食

蒸魚

翠肉瓜炒帶子

臘味糯米飯

生日蛋糕，又大一歲啦^ - ^

Lady M 香港店

噚日同好JM食完晏，買完野，就去咗新開嘅Lady M朝聖，聽聞有全球獨有嘅伯爵茶味千層蛋糕

我地都係諗住要排隊，所以食麵唔會太飽，咁我地食完麵買完野，再排埋隊咪啱啱好消化得七七八八囉，可以再食

香港區分店，响前身Petit Amanda個位

排隊人龍

好多花牌

原來冇堂食，只有外賣，所以條隊都好快

都算齊貨，但係就只有伯爵茶味賣晒

買完上四樓平台食，好好天

原本諗住排完隊都個幾兩個鐘啦，可以食多幾件，點知只係排咗幾個字，食唔落咁多，只係買咗栗子蛋糕同香蕉千層酥

兩個味都唔太正，栗子蛋糕嘅栗子蓉忌廉多過栗子，太淡栗子味，香蕉味就夠味，但個千層酥淋溼溼，失望，都係千層蛋糕好食D

五行

上星期好JM打嚟想相約食飯，咁啱佢想約果日，我又約咗人，所以改咗今日，佢想去ifc食，呢度大部份都食過，佢話想食麵，咁我地就去咗食拉麵

去咗呢間五行

我食赤拉麵

跟炸露筍

好JM食招牌拉麵

跟炸雞

呢間我以前食過一次，同上次比較，我覺得仲好食咗

食完野去咗買唇彩，因為用開果支用完，去咗連卡佛買，連卡佛嘅英文簡寫又係LC（≧∇≦）

做緊promotion，買三支唇膏產品送禮物，生日月份又送一支打底唇膏，同埋雙倍積分

禮物

再送幾包試用裝

會員生日月份仲有蛋糕送，正

自助山

今日約咗好JM食晏，呢餐晏係四個月前約嘅，因為四個月前訂枱，當時訂枱係去到十月，所以訂咗今日

搭life轉嚟轉去，終於搵到啦，轉到有少少暈暈地

嚟到62樓嘅自助山

今日天朗氣清

好大個酒櫃，不過飲酒要另外俾錢

熱盤都多

即炸天婦羅

點心所剩冇幾

有D只係晚餐供應

我攞咗酸辣湯

沙律

冷盤

甜品

其實仲有好多野冇影到，因為人太多，又掛住傾計

飲杯\^O^/

Noodies

兩個細路放完假，返咗學之後，我又可以出去自由活動啦

天氣好好，出去行吓食個晏，原本想去高街食，因為聽聞果度都開咗好多新餐廳，但係行咗一圈，多數係食西餐飲野果D，一個人又好似唔多啱去，所以落咗去第三街食，去咗呢間Noodies，係好似食車仔麵咁，但唔係港式麵，係東南亞款式，有冬蔭功湯底、日式豬骨湯底同喇唦湯底

應該係新開嘅，上次嚟都未有

點餐紙

簡潔木製用品

有精選食品

我叫咗冬蔭公湯底加蝦、雞肉同埋芽菜仔

另外加咗一個小食，生菜包

食完仲有優惠券送，食物都唔錯，可以下次再嚟食兼用埋佢

Vermcular

鍾意LC嘅粉絲們，都應該會有留意其他牌子嘅鑄鐵鍋，好多LC粉絲除咗LC之外，都會有Staub鍋，我個人覺得，Staub係好用過LC，而且手工好D，鍋蓋同鍋身接合位較好，冇LC咁多「流眼淚」嘅情況，但係講靚，真係LC嬴晒，所以話，靚真係大晒架

最近除咗以上兩大牌子鑄鐵鍋之外，另一受粉絲追捧嘅，就係日本牌子Vermcular嘞，呢個鍋原本只可以响日本買到，而家都嚟咗香港嘞，佢除咗顏色靚，日本製造呢D原因之外，最大賣點係可以刻名，可惜香港未有刻名服務，要刻名就要上日本網站訂，大約等兩個月先至會做好

上次响CS見到佢地真身，顏色係有閃粉效果

亦可以上佢地網站睇

有介紹佢地個鍋嘅特色

啱啱仲出咗sukiyaki淺鍋

日本網站有刻名預覽

聽聞香港遲D都會有刻名服務，我等!!!!