尾班車

今個月嘅崇光週年感謝祭，已經曲終人散，大家有冇散晒個荷包呢，我就冇啦，第一日去睇過，冇買野就走咗，冇野啱

今次出花buffet，兩個色，藍色送埋個花盅

個價錢都OK，我去果日未有，所以冇得睇

成日覺得32媽咪太重，26又唔多夠大，佢就出個28你睇，個粉紅套裝都幾抵

今次特價貨有22媽咪白裏，抵買

呢個都抵

今年唔同以往，唔係淨係得崇光有得買，專門店都有，咁仲使咩去逼，價錢一樣，點解唔去專門店喎，舒服得多啦

專門店已經佈置聖誕裝飾啦，趁十二月出新品前，趕搭尾班車嚟睇吓仲有冇貨

仲有，店員話最後一個，意料之外，好靚女喎，冇芝麻字，冇厚油，冇穿冇爛

買三件石頭有六五折，BBP花碟連花碗

MP花碟連花碗

MP花碗連中式匙羮

全家福

Le Canelé d'Or

今年聖誕唔會出門，因為有親戚會嚟香港玩，所以會留港做東，今年聖誕亦諗住唔煮，叫外賣，上網睇吓有乜好外賣，見到呢間專賣可麗露蛋糕，之前响CS擺過pop up store，好耐冇食啦，又買嚟食吓先，可麗露係法式糕點，外層香脆，內層軟熟

佢地只做外賣，冇店舖

响fb見佢地十一月有開心果味推出

開心果味有大粒裝同埋中粒裝

亦有其他口味

仲有包朱古力嘅款，同埋可以配埋啱口味嘅白酒

食之前一日訂就得啦

我訂咗六粒大裝嘅開心果味，同九粒中裝嘅雜錦味

六粒大裝開心果味

九粒中裝雜錦味

一打開個盒，好香好香，我覺得雜錦味好食DD，正～

又到聖誕

十二月都未開始，週圍已經充滿聖誕氣氛，商場店舖己經出晒聖誕裝飾，梗係啦，又係出血嘅時候啦嘛

一向進取嘅LC，世界各地推出紅白兩色Bon Appetit系列，香港都應該有，而日本推出攞我命嘅心心鍋，起初見紅色唔太吸引，但金knob又幾靚，但係為咗個knob買又唔係好值得，睇清楚，原來係迷你心鍋，咁我冇喎，一於買買買，雖然好JM十二月會去日本，但係我諗到時可能賣晒，所以搵代購買，搵我之前買過LC磁石果個代購A，問咗個價好貴，再問另一間代購B，平好多，相差一仟多，咁梗係幫襯平果間代購B啦，而且呢間有舖頭，可以去舖頭攞貨

我諗住買兩個心心鍋，代購好醒目，問我要唔要買多少少野，多個雪球，咁梗係好啦，因為兩個色好難選擇

我見網上店已經送完

上上星期訂，上星期到，今日去攞，紅心buffet，好靚女

迷你紅心鍋，好Cutie

見呢套碟有聖誕禮盒，所以買埋

白色雪球，靚

紅色雪球，一樣咁靚

見舖頭有timer賣，仲係現貨，代購A都有，但要一個月後先有貨，而且要抽，紅色果個，代購A貴十蚊，而粉紅色果個，代購A要貴多一佰，呢度兩個色同價，唔使諗，即買

兩個色各一，好可愛，其實仲有一款橙色圓形，不過未見有代購賣，但見人po話响outlet買野有得送

全家福，好靚，好開心，以後可以搵呢間代購買，唔使次次託好JM買，始終人家去旅行，又要幫我買野，又要抬番香港，雖然佢唔介意，我都唔好意思，成日麻煩人^^"

馬卡龍

鍾意烘焙嘅人，都會整吓馬卡龍，因為馬卡龍材料簡單，做法容易，外觀可愛，顏色又多，而且自己做比出去買平好多，亦因為幾多失敗例子，所以幾高挑戰性，我都做過唔少次，個人覺得加入法式蛋白霜嘅做法最好，製成品最靚，但最麻煩，所以如果唔係送俾人嘅話，我都係用最簡單嘅做法

材料

蛋白加他他粉同砂糖打起

糖粉同杏仁粉過篩

蛋白霜加入色素，今次用咗隻比較啞色嘅粉紅色，因為屋企得呢支色膏

加入粉類

唧响牛油紙上約半個鐘，風乾表面

做餡，果蓉加糖同雲呢拿煮滾

雞蛋加砂糖混合

加入果蓉，坐熱水打至濃郁

唔記得睇火，有少少過咗龍

夾埋餡就食得啦

又一棧

上個星期六，定係上上個星期六呢？都唔記得啦，約咗老媽子食晏，去咗又一城商場食，飲茶都幾多人等位，超級唔鍾意等位嘅十三姨丈，見又一棧冇乜人等，就走咗去問有冇位，有位，咁就入去食

好耐冇嚟，好似裝修咗，餐具同餐牌都唔同咗

小籠包

雲吞雞湯

煎鍋貼

鮑汁炆三鮮

配鍋巴

大蝦炆蘿蔔糕

茶樹菇翡翠苗

鹹肉青菜炒飯

蛋白杏仁茶

高力豆沙香蕉

蜜汁荸薺餅，食物都OK