周記

呢幾日都早起身，有D攰，午餐近近地响附近食，去咗水街果邊食，上次嚟過但唔知點解冇開嘅周記食

呢間其實响西區幾出名，有遊客嚟食，好似話有韓國雜誌報導過，所以有韓國人嚟食

牆上有懷舊照片

有點心食

亦有茶餐廳野食，有報導比較佢地好出名嘅流心西多士，但係我本身唔鍾意食流心奶皇包果D，所以流心西多我冇興趣

紅豆冰

XO醬炒腸粉

蝦餃

鴛鴦燒賣，一半黑松露，一半蟹籽，食物都唔錯，服務意外地幾好，諗住茶餐廳冇服務可言添

李好味

上次經過嘉咸街，見到水果檔d水果幾靚，買咗嚟食，又想去買水果，所以出咗去中環食晏，行過呢間餐廳，其實唔知食乜野，坐低先知食懷舊香港菜

中英文唔同嘅

門外有少量位，不過整緊路，坐响度就食塵

樓下有酒吧同幾張枱，樓上就較寬闊

有一大排窗

懷舊嘅裝飾

午餐餐牌

金茶王奶茶

牛魔王過河

啫係乾炒牛河，食物都OK

hmv DOG

早前睇報導，介紹hmv有超平熱狗食，個人覺得宜家傢俬嘅熱狗餐係最超值，十蚊有隻熱狗加一杯無限添飲汽水真係平絕香港，淨係飲汽水都抵番晒，hmv新出嘅熱狗只需五蚊，等我試吓佢先

响二樓

有兩款熱狗，十二蚊果個都唔係貴，但有五蚊個，咁梗係試吓個最平嘅係咪抵

飲品只有啤酒

旁邊有個飲品櫃，可以自己買嚟飲

多款醬料俾貴果隻熱狗用

平果隻就用呢D

有三張枱可以坐响度食

都OK的，個包有少少鬆散

加杯細啤酒，二十蚊，我冇睇到雪櫃飲品幾錢，應該貴過五蚊，而且唔係冇限添飲，所以結論係宜家傢俬最抵，但呢度唔使逼，有酒飲，同埋有多一款熱狗可選

棋哥

天氣好，去咗天后果邊行吓，經過呢間新開嘅餐室，燒鵝好似幾靚，入去試試先

下午茶時段去，都差不多坐滿

木枱木櫈

主打當然係燒味啦

真係咁好味？

燒鵝瀨，鵝皮唔係脆果種，調味做得唔錯

熱鴛鴦

1963木十豆寸

去咗灣仔買電腦野，買完去食個晏，去咗呢間食台灣菜，好易搵，大廈隔離有一顆大樹响度

個名加埋係個樹字，1963就唔知點解

要行樓梯上去

充滿懷舊風味

舊式相機

舊式相機套

懷式印刷櫃

懷舊風裝修

衣車做枱

午餐餐牌１

午餐餐牌２

飲品

黑糖奶茶，個底果D唔係珍珠，係一條條好似涼粉咁

新竹炒米粉

不能挑食不能浪費，啱的，食物都OK

章魚小丸子

近呢幾個月，電熱盤越出越多，因為有市場嘛，之前我一直响fb一個LC群組，個群組都有幾萬人，算係多人，後來電熱盤出咗之後，就多咗幾個電熱盤群組，最近電熱盤群組人數已經超越咗LC群組，電熱盤有幾熱賣，可想而知

一直想整章魚小丸子，但總係買唔到章魚粒，終於响百佳搵到成條嘅章魚，買番嚟自己切就得啦

材料

包裝有教點整，雖然日文，但睇圖就得啦

椰菜切絲

章魚切粒

章魚小丸子粉，入面除咗粉，仲有好似天婦羅碎嘅粒粒，同埋一紅一綠嘅配料

粉加水攪勻

加兩隻蛋攪勻

模掃油

倒入蛋漿

加入章魚粒

椰菜

配料

用竹簽跟住模果條直線分開一個個，一邊熟咗就反轉去另一邊，好彩包咗錫紙邊，唔係就要抺餐死

熟咗就放上碟，加入其他醬料同配料就食得啦