大閘蟹2013

上次食唔到大閘蟹，今日補返數，去咗時代鴻星食，叫咗個四人餐，每人有三隻蟹

大約五両重一隻

蟹粉小籠包，每人一隻

蟹粉海鮮羹，每人一碗，重有其他野，不過冇手影啦

收到好JM送嘅生日禮物，多謝晒(^O^)

收拾心情

呢排放假放到個心散晒，大人都咁樣，可想而知，兩個細路個心更加散，重有兩日就要返學啦，係時間收拾心情，將功課完成，預備返學啦，兩個加起嚟好多功課，雖然唔係我做，但我都要睇同教，所以匆匆食個午餐就返屋企做功課啦

嚟個簡單嘅拉麵午餐

去咗札幌拉麵度食

大細路鍾意食壽司

我就叫咗豬軟骨拉麵

兩個大細路分享一碗蟹肉拉麵

是日敗物，今日收到好JM嘅禮物

又係LC，20cm圓碟，哈哈哈～靚靚～～

重有手信，謝謝好JM從日本帶回來給我^o^

為返學準備

去完澳門，返到嚟又要為返學準備啦

除咗要準備功課，儀容都要準備，上次帶兩個大細路剪頭髮，係暑假果陣，差不多兩個月啦，D頭髮長到遮住對睇，睇唔到野啦

搵開果個師傅轉咗公司，第一次嚟

剪完髮去咗Lab Made食雪糕，做緊萬聖節口味雪糕

THE WICKED WITCH白朱古力，好似舉起中指^_^;

MUDDY GRAVEYARD黑朱古力味，個I字好似冇咗咁

是日敗物，又係LC，粉色SALAD BOWL

LAVENDER色好靚

PINK色我最LIKE(☆_☆)

澳門行

一個星期嘅假期，話多唔多，話少唔少，要出門又唔去得遠，响香港又日日响屋企冇所事事，所以去澳門行吓，幾年冇去，澳門發展得好快

以前十三姨丈有個親戚响度住，我地間唔中會去行吓，自從個親戚過咗身就冇去，後尾澳門開放賭權，好多酒店同賭場開，而家嘅澳門真係唔同晒，好多又靚又大嘅酒店，依家旅遊業係以大陸人為主，冇論响香港，去東南亞，甚至美國，見到嘅都係大陸人，強～

講番澳門行，之前住過威尼斯人同埋Hard Rock，今次選擇住Banyan Tree悅榕莊，一入酒店就有一陣陣香氛味，好似去SPA，好RELAX

大堂CHECK-IN，好似好隱閉

電梯大堂

房間有個水池玩

浴室有個大木桶

KING SIZE大床，SORRY，OUT FOCUS

落咗去人做沙灘玩咗一陣，重有人做浪玩，呀女話好好玩，呀仔話驚

至於食方面，兩個大細路鍾意食PIZZA，意粉果D，所以都冇咩好講，係食咗一餐葡國菜，响威尼斯人果邊，唔記得叫咩名添^^"

三十六個月黑毛豬火腿

生蠔餐，三隻生蠔加一杯白酒$178

燒焗馬介休，幾好

返香港前買手信（≧∇≦）

假期前夕

嚟緊一個星期係兩個細路嘅學校假期，放假前夕，心情都好Ｄ

呢排天氣真係涼咗好多，夜晚都要着番件長袖衫，打開報紙睇，好多大閘蟹廣告，想去食大閘蟹，既然今晚出街食，就去食大閘蟹啦

諗住去時代廣場食，哎呀，冇位添，改咗去兩個細路都鍾意嘅PIZZA EXPRESS

原來開咗咁多年，唔知响香港開咗幾多年呢

Grand Chicken Caesar, OK

唔記得乜野牛肉薄餅，麻麻地

American Pizza，呀仔最愛

肉醬長通粉，呀女讚好

飲番杯咖啡先，我飲咖啡唔會瞓唔着，所以夜一夜都可以盡情飲^ ^

自制豆腐花

呀女想食豆腐花，easy啦

材料屋企已經有，淨係買支豆漿就得啦

紫丁香心心鍋開光

一茶匙熟石膏粉，一茶匙粟粉

加兩湯匙凍滾水混合

煮滾豆漿，倒入心心鍋焗二十分，放一塊布或者廚房紙响蓋下底，可以吸咗Ｄ水蒸氣，豆腐花唔會水汪汪

得咗，加Ｄ紅糖就食得

是日敗物，LC磁石，一套八個LC x Volvic

花花鍋好靚靚，可惜已經冇再出，如果有得賣都好貴，有磁石花花欣賞吓都好

加埋之前買LC x Pepsi，一套有八個，我得四個，都好鍾意啦

超簡單懶人肉醬意粉

某日响電視睇咗米芝蓮三星名廚Heston Blumenthal嘅節目In Search of Perfection，講佢將一D平常嘅菜式，好似炸薯條、肉醬意粉、漢堡包咁，用佢認為最好嘅食材、方法，做到佢心目中最完美，每一種食材都經佢研究測試，例如肉醬意粉，用邊個部位嘅肉，用邊種香料，請教佢認為煮肉醬意粉煮得好食嘅意大利廚師，點樣煮幾個鐘去煮好個肉醬，測試邊隻意粉好，等等，過程真係好認真好科學，唔怪得佢可以做名廚（＾ν＾）

個節目幾個月前睇，好多野唔記得，但我就記得佢測試意粉果part，佢試咗幾隻唔同牌子嘅意粉，佢認為其中一隻最好，佢發現隻意粉表面比較粗糙，而其他都係好平滑，於是，走去意粉廠訪問佢地，負責人帶佢去廠睇，佢話佢地嘅意粉係用銅模壓粉，而家好少廠用銅模，多數用膠模，因為成本較低，而用銅模壓嘅意粉，表面會較粗糙，因為咁，會令肉汁黏住意粉，唔會粉還粉，汁還汁

早前响Apita行超市，見到呢隻意粉，同節目講果隻個樣一模一樣，但唔知係咪同一牌子，因為電視冇放大個牌子名，正當我睇睇吓嘅時候，promotor埋嚟介紹，話佢地嘅意粉係用銅模壓粉，係？咁真係要試試

買咗意粉、扁意粉、即食risotto試試，送咗樽茄醬

試吓來個超簡單懶人肉醬意粉

免治豬肉加茄醬，煮好肉醬，啱啱好用晒一樽

再煮埋個意粉

超簡單嘅懶人肉醬意粉就完成咗

既然係懶人肉醬，味道真係冇乜特別，淨係得個茄汁味，下次都係要整番個認真版，不過意粉又真係幾黏汁喎，GOOD(^O^)

重陽節補假

噚日係重陽節，因為要約齊人，所以今日補假先去拜山，上午去粉嶺拜山，拜完去上水食午餐

龍蝦伊麵，有半隻龍蝦，好肚餓，清碟Y(^_^)Y

十月啤酒節，D杯用冰雪凍，飲之前先倒咗去

透心涼~~原本重有香腸拼盤，但一放低就俾兩個細路掃晒

今日有彈床玩

呢個最好玩，兩個大細路响入面爬，好似倉鼠咁(*^^*)