國際學校

今日同朋友去咗一間國際學校嘅活動日，原來唔係响果度讀書都可以去，咁人一世物一世，梗係去睇吓啦

間學校好大好大啊@@

有表演，又有好多遊戲，呀仔見到呢個巨型人肉足球機，即刻話要玩，玩咗三轉

重有好多野食賣，都有好多地方俾人坐低食

午餐食咗個BBQ漢堡

成個活動好啱小朋友去，好多野玩，食物都唔錯，出年如果有機會都會再去，不過地點就唔係好方便

大閘蟹

呀女今日返嚟，佢返到嚟應該好攰，所以今晚會留响屋企食飯休息，要煮D佢鍾意食嘅野迎接佢，打算煲佢最鍾意嘅西洋菜湯、煲仔飯同埋蒸大閘蟹，以前都係去銅鑼灣買，今日冇時間，所以去咗上環成隆行買

差不多六十年歷史

一隻六両重

門口有個魚缸，D大閘蟹响度游水

送咗枝蟹醋

買咗支花雕

重有薑茶

都好肥好多膏

川善茶居

今日出咗去上環買野，買完去咗川善茶居食野，補充一下體力

餐廳响一座商業大廈裏面，管理員好友善，問我去幾多樓，我話去五樓，佢就話去飲茶呀？都好多人幫襯呢間咁話，死火，會唔會冇位.....噢，一個人都冇^^"

一坐低就見到呢隻肥貓，好可愛，點攪都唔醒

餐廳一邊放滿茶葉同飲茶工具

一邊係露天位

傢俬中西式合一

餐牌全英文，職員全英語，老闆可能係外籍人仕，可能係日本人，因為餐廳主要係賣綠茶味嘅食物同飲品，綠茶我啱，叫咗杯MATCHA MOJITO，好飲

TOFU BURGER，個包底係脆嘅，又幾好味喎 

MATCHA SIZZLING BROWNIE，個SKILLET好可愛，我個16CM又有多一個用途，真係冇買錯

倒個綠茶醬落去SIZZLING 

又清碟，冇浪費

黑蒜汁

呀仔病完，到十三姨丈病，通常都係呀仔病緊嘅時候，我就會病，因為俾佢傳染，今次我冇事，但到十三姨丈病，奇怪嘞，點解會咁呢，唔知係咪因為我飲咗黑蒜汁呢

早前响CS買咗D黑蒜汁，原本諗住買俾兩個細路飲，因為SALES姨姨話可以殺菌，同埋對鼻敏感有幫助，所以買嚟俾佢地試吓，但佢兩個極度抗拒，點都唔肯飲，唯有我自己飲埋佢

飲咗兩個星期，朝早空肚飲

一盒兩排，每排十五包

一包80ml，味道好似燶咗嘅蒜頭，唔算難飲

又有禮物收

又見橙色盒

紫丁香16cm skillet

之前一直冇買，因為覺得太細，後尾見LC網有幾個食譜用呢個，細細個又幾得意，同埋之前買嘅skillet放唔到入我個細焗爐，而且呢個只係幾佰蚊，所以又買咗><"

今次個鑊仔質素麻麻地，呢個代購嘅貨越嚟越差，應該唔會再幫襯，LC敗物亦暫時到此為止，唔會再買LC住，因為要買嘅都已經買咗，冇野要再買，除非.....除非出新色嘅心煲，又或者遇到絕版嘅心煲

煲仔飯

雖然立咗冬，天氣唔係咁凍，呢兩日重暖咗添，雖然唔凍，但一到冬天，就想食野，因為冬天都好多美食，其中一種，就係煲仔飯，十三姨丈同呀女都十分之鍾意食，要整煲仔飯，除咗砂煲，當然係用LC啦

上次買咗榮華嘅臘腸同潤腸嚟試，唔錯，今次試一試安記

臘腸同潤腸各兩條，每條一開三

半隻雞用豉油、蠔油、老抽、紹興酒各一茶匙，少少糖、鹽、麻油、薑汁、胡椒粉同粟粉醃半個鐘

洗米後，米同水1:1份量中細火煲滾，我兩嘜米兩嘜水，個火唔好大過個煲，水滾後用筷子攪吓D米

攪完加蓋煮多兩分鐘，舊年開倉買嘅LIME 22cm開光

放入臘腸同潤腸，再煲多一陣

放入雞件

細火煲大約二十分鐘至熟，熄火後落煲仔飯豉油焗一陣，食得

又飛啦

呀女今日又要飛啦，佢今次係第二次跟學校嘅考察團飛，朝早同佢去機場，能夠同一大班同學去旅行，佢當然開心啦

科技嘅發達真係帶嚟冇比嘅方便，老師開咗個群組，可以隨時update行程嘅相片同資料俾我地家長知，寫呢篇網誌嘅時候，佢地已經到咗，重開始咗行程添

我地送完機回程返屋企果陣，呀仔悶悶不樂咁，佢呢兩日感冒，所以我以為佢唔舒服，原來佢掛住家姐呀^.^

午餐去咗PICCOLO食

佢地有個磚爐，好型噃

十三姨丈飲蘑菇湯

我飲雜菜湯

叫咗個暖沙律

炸魷魚，呢個炸得幾好，個漿調咗味，唔使點醬都好食

PIZZA製作中

得咗，PIZZA幾時都係新鮮出爐最好食

珈琲

是日星期六

今日呀仔朗誦比賽，雖然攞唔到名次，但分數都幾高，第一次嚟講，算唔錯啦，賽完去食晏，去咗鈴木珈琲館，原來咖啡响日文嘅係咁寫嘅

巴馬火腿白汁煙肉意粉，十三姨丈同呀仔都LIKE

呀女就要明太子溫泉蛋白汁煙肉意粉

我嘅鮑汁海鮮飯

可以加$42轉餐，餐有餐湯、沙律、飲品三選二，今日餐湯係雜菜湯

沙律就係日式醬沙律

另外加個小食拼盤

我唔太鍾意鈴木嘅咖啡，所以叫咗榛子抺茶

兩個細路飲胚芽朱古力

食完去咗永安買野，有抽獎

我抽到毛巾一盒

今日有朋友來坐，好客氣，嚟坐吓都買野

四季嘅朱古力曲奇，好味呀，多謝晒\^v^/