Big Fernand

上次去CS買野，响新開期內買滿千五蚊有野送，但係當日已經送晒，所以留低電話，番貨再call我去攞，其實當日黃昏已經call咗我話番咗貨，今日先去攞，攞之前走咗去一期食野，試吓呢間未食過嘅法式漢堡包店

其實新開果陣嚟過，想試吓，但係坐滿晒人，冇位唯有走，後尾夜晚去過又關咗門，今次下午茶時段嚟，大把位，响門口睇完餐牌就落單，坐低後，待應會攞食物埋嚟

大大個名响牆度

佢地有九大法則

吧枱部份係半開放式冇玻璃嘅

呢個係放响收銀處任攞，按一下個面會有雞叫聲

佢地都有個遊戲app

我叫咗Le Big Fernand跟水果沙律，飲檸檬水

有一包餐具

漢堡包唔錯，以價錢嚟講，塊牛肉薄咗D，味道唔錯，個包軟熟，有半溶芝士，番茄係車厘茄，好似煮過定浸過，唔同美式咁一塊鮮番茄，而且有香草响入面，同美式漢堡包比較，法式精緻D，美式大大舊

水果沙律有杏桃，又係另一特色

食完去攞禮物

一套木剷

池記

又要去銅鑼灣買校服啦，買完校服去食野，去咗池記食雲吞麵，响銅鑼灣區食麵呀，食快餐呢類簡單食店，係好多自由行，大陸人買野就好豪，但係食野就好隨便，所以去呢類食店要有心理準備，好似去咗大陸咁，四週圍都係講普通話

餐紙，我食E餐

揀咗柱侯蘿蔔，好淡呀

想飲豆漿，但係冇，改飲凍薏米水

海蝦雲吞麵

都幾大舊蝦肉

行去時代廣場果邊，見到小飛俠電影宣傳，好似話噚日曉冶積曼嚟咗香港呢度宣傳，仲去咗大坑舞火龍添

响CS買咗盒魚生返屋企食

超級月亮

今年中秋正值係十七年以嚟，最大嘅超級月亮出現，而且有月全蝕，兩樣同時發生，上次係三十三年前，今次發生時間响香港時間今日早上十時，所以香港睇唔到

雖然睇唔到，今晚追月仲可以見到個月亮又大又光

肉眼都睇到個月亮，比平時大咗光咗

今晚去咗粵來順食晚飯，食完去咗滿記食甜品

今日冇乜人，唔使等位

不準玩啤牌？定係不準賭博？第一次見呢個牌

十三姨丈食芒果白雪涼粉

呀女食Oreo旋冰

呀仔飲士多啤梨奶

我食榴蓮芒返

食完返屋企，見到個月亮咁大，呀仔話想用望遠鏡睇，同佢攞埋個望遠鏡落街睇，好多人行過見到，都企响度睇埋一份

勉強影到望遠鏡裏面個月亮

中秋節2015

又到咗一年一度嘅中秋啦，除咗中秋節到，一年兩次嘅LC開倉亦到啦，收到電郵，吓！今次咁短嘅？得三日？

我通常閒日去，但今次得一日係閒日，仲要係最後果日，咁咪要一早去？最後一日應該唔補貨，越遲越少野買

我想要右下角個紫色tray

影片分享

呀仔嘅中文功課之一，就係聽呢首歌，同埋學呢首詞

中秋節快樂^v^

諾亞半熟蛋糕

聽日就係中秋節啦，我最鍾意嘅季節就係秋天，因為夏天太熱，冬天太凍，春天又潮濕，所以秋天我最鍾意，有人話如果你日間出世，就會鍾意日間時間，如果夜晚出世，就會鍾意夜間，唔知季節又係咪呢？因為我都係秋天出世

同屋企人提早做節，今晚响屋企食飯，買咗諾亞半熟蛋糕做甜品

忌廉哥做代言

蛋糕櫃

貓貓頭形盒

芒果溶心芝士蛋糕

比利時朱古力溶心芝士蛋糕

原味半熟蜂蜜蛋糕

收銀員原本送咗一個燈籠俾我，我話我兩個細路唔夠分，可唔可以俾多個，佢就俾多個，真係好人

仲送多兩把扇添，多謝晒(^o^)

重新開

知道ifc間CS裝修好晒，正式重新開番，所以去睇睇

去到商場，一上大堂就見到而家做緊Big Names嘅展覽，有一班人扮一班好出名嘅人物，老實講，有D真係唔識佢係邊個，不過就個個化妝化得好似銅像

大部份都係男人

唯一女性Coco Chanel 

佢會响人噴吓香水，唔知係咪香水，可能係水

影完相去CS行吓

一入門口見到呢個超大南瓜

好打耳嘅日本新鮮栗子

好貴嘅日本松茸

好少見嘅青瓜花

好大條月魚

有Dry aged牛扒櫃 

新鮮食品區酒區大咗，而其他乾貨區零食區就細咗，今日好多人，太擠逼，買咗少少野就走人啦

Metal Steak

今日約咗好JM食晏，又約咗師傅嚟睇個洗碗盤，因為個盤用耐咗，有部份位爛咗，有滲水嘅情況，要換，但係師傅搵唔到個同一尺寸嘅盤，所以建議我訂做一個，今日上嚟度尺寸，既然嚟到，順便叫佢幫我整埋燈同埋門鉸，講到遲到，匆匆出門，唔記得叫佢整埋厠所燈同呀仔個櫃門添

即刻飛的出去，的士佬又唔熟路，過咗路口先知過咗，唯有落車行入去，今日好熱啦，好彩食店唔多人

去咗食牛扒嘅Metal Steak

餐牌，主要食佐賀牛

我地叫咗一塊肉眼同埋一塊西冷

即燒

用餐區

有圍裙供應

各式醬料

肉眼扒跟餐

西冷扒跟餐

我地話要五成熟，但兩塊都係三成左右，雖然較軟霖，但我都係鍾意熟少少，逼咗D油出嚟，香口D，太生入口好似好油，而且冷冰冰

好JM屋企裝修，所以我地去灣仔睇家俬、浴室用品同埋燈飾咁，行到成身汗，去咗茶木飲野休息吓

西班牙特飲同芒果沙冰

草莓吐司，透心涼