我們的千禧年代－災難悲劇

幾個月前，响國家地理頻道睇咗我們的八十年代，亦睇咗我們的九十年代，今日睇埋千禧年代，今集係講有關災難悲劇

因為個節目係美國節目，所以有關災難悲劇都係以美國為主，首先講嘅係2001年嘅911事件

我記得當日事情發生嘅時候，係美國早上八點幾，香港時間係夜晚，果陣時我啱啱有咗呀女，所以响屋企休息，睇住電視直播，當時唔知係恐襲，第一座以為係火警定係爆炸，睇住架飛機撞埋去第二座，好震撼

南亞大海嘯，响電視睇見D海水沖入去酒店，酒店已經係比較堅固嘅建築物，難以想像當地一般民居點樣抵擋海水，水嘅威力真係好大

颶風卡麗娜，原來唔係落後地方會發生咁嘅災難，先進如美國都會，當時好多人離開家園去其他地方暫避，返嚟成間屋冇咗

法航447班機突然失聯，經過兩年時間先响海底搵返飛機殘骸同飛行記錄儀，係飛機一個儀器故障加上人為嘅錯誤做成，唔知馬航又係唔係咁嘅原因失蹤呢？

米高積遜死亡，好意外，雖然見到佢去世前果幾年都係精神好差，冇諗過佢會死，後尾睇報紙，個醫生開果D藥係好強力，咁樣開藥俾人，唔知佢點做醫生

墨西哥托兒所大火，原本唔係托兒所火燭，係隔離個物業火燭，蔓延到托兒所，有幾十個小朋友燒死，救番嘅而又受傷嘅，都要做好多次手術，慘!!!

哥倫比亞號穿梭機意外，穿梭機圍繞地球兩週後回航，回航時响空中解體，七個太空人死亡