好彩

仲有一星期就要飛，要幫呀仔買滑雪衫，搵嚟搵去唔到啱心水，好彩終於搵到一間有佢尺碼

買齊啦，去食飯

去咗好彩食

蒸饅頭

西洋菜湯

粉絲蟹煲

芥蘭炒牛肉

炆班頭腩

水果

又玩射擊

呀仔又有生日會去，今次又係玩射擊，今次係另一間射擊場，呢個場我都上網睇過，因為諗住呀仔今年開生日會都係玩射擊，但係打去問佢訂場果陣，佢地話只做埋今個月，業主收番個場，咁冇辦法啦，咁應該去上次玩果個場

個場响荃灣，都唔算難搵

門口個招牌

地方比上次個場更大更乾淨企理

生日會場地

好多Nerf槍

呢度係自己帶槍嘅，呀仔都帶咗兩枝

入射擊區前要帶護目鏡

旁邊有BB彈同槍，不過唔係俾佢地玩嘅

射擊場都比較乾淨

同樣有得睇裏面嘅情況

回禮都係槍

糖朝

年近歲晚，唔使講，梗係要去理髮啦，又因為年近歲晚，好多野做，時間唔多夠用，約咗CF電髮，原本想食完晏去，但係去完銀行已夠鐘，唯有先去電髮

一電就三個鐘，冇食晏，餓扁啦，去咗糖朝食野

好耐冇嚟，上次係去廣東道果間

一落去就見到佢個金漆招牌

雲吞麵

蝦腸

糯米卷

紅豆沙豆腐花，食物普普通通，個糖水好差，豆腐花唔滑，紅豆沙有少少酸，對於一間做糖水嘅食店嚟講，呢個糖水真係非常失望

去到漢口道，冇理由唔去八吓

有紫色媽咪鍋，可恨我已經有媽咪鍋

Light bluebell purple心心buffet有貨，全部芝麻字，不過我唔介意，因為個價錢真係幾抵

連海岸藍心心盅

越色

今日再暖番D，唔使著咁厚衫，不過今日落雨，出街要帶遮

LC今日公布聽日會出情人節心心套裝，咁快嘅？我以為起碼二月先出，上年粉紅心心鍋都多貨，我都買到，今年又出，會唔會滯銷呢？我估紫心會好快沽清，粉紅心就應該買到

今日再出銅鑼灣買野，去咗越式食野，經過幾次，次次都想試吓，但係次次都排晒隊，今日唔多人，只等三張枱就到

下午茶時段去

港式鴛鴦

芒果炸軟殻蟹紙米卷

生牛肉河

再去買車厘子，雖然都大粒，呢水冇咁靚，所以平D，$350/2kg

Bake

噚日出去銅鑼灣，主要係辨吓年貨，買滑雪衫俾兩個細路，呀仔嘅size搵唔到，呀女就好多，因為佢係著大人細碼，大人size一定有，呀仔而家最尷尬，細路仔尺碼又少，大人尺碼又未到，有難度，要繼續搵

先辨咗年貨先，又係去么鳳，今次唔見隻貓，可能太凍，匿埋咗瞓覺

樣樣買D，買完去崇光買野，見芝士撻唔多人，買嚟試吓

前面唔多人

排第十，只係排咗兩分鐘

咁多貨，唔使驚冇

半打一盒

有張咭講點食法

即食

唔算特別好食，呢D係咪希望越大失望越大呢？

廣島霸嗎拉麵

今日又暖番少少，就嚟過年，好多野未買，又要出動

去銅鑼灣，先食野，去咗登龍街食，上次經過見到呢間拉麵店，已經想試吓，今日非繁忙時間去

唔使排隊

只有幾個客

午間拉麵可以加十二蚊升級

我叫咗綠茶

生薑豚肉拉麵加蛋

加粟米，份量都幾大，食唔晒

煲戲

原來噚日係香港59年嚟最凍，真係凍得不得了，天寒地凍，冇事冇幹，留响屋企開住個暖爐最好

噚日買完餸返屋企之後就冇出街，响屋企煲戲，呀仔唔使番學，佢都同我睇咗兩套戲

午餐同呀仔食，大師姐柱侯牛腩同蝦子麵，一大碗兩人分

呢排少睇戲，一口氣睇咗幾套

新版神奇四俠，都係同一個故事

女主角比我預期做得好

睇咗咁多集，冇理由唔睇

導演一貫嘅拍攝模式

呢套同呀仔睇，佢都鍾意恐龍

呢套都係同呀仔睇，不過佢睇得唔係好明