ANA

又嚟到星期五，一星期嘅工作完結，週末又可以抖抖

相約好JM食晏，原本想去豊洲水產食半價魚生飯，但人太多，又截咗龍，唯有去第二度食，去咗崇光後面嘅京都廣場食，呢度多數食韓國菜，都有間食西餐

响四樓

地方唔算大

牆上有佢地賣嘅蠔嘅出產地

午餐餐牌

我地兩個都係飲餐湯，雜菜湯

午餐有生蠔送，每人兩隻，都唔錯

豬肩柳

羊扒，食物唔錯，唔記得影餐茶

Nun

近年韓風真係吹得好利害，無論係電視電影、音樂、化妝美容、時裝、飲食都係，出街見好多女仔都係韓式打扮，食野都唔少得韓國菜，應該話係新派韓國菜至啱，因為已經唔係以前果D傳統韓燒，就好似我今次去食嘅韓式甜品

近住時代廣場

晏晝冇乜人

除咗甜品，都有麵食

仲有飲品

俾咗錢等佢呼叫

綠茶紅豆刨冰，刨冰好細，好似絲咁細，但唔會好快溶，唔錯

好JM去完英國，送嚟手信

有朱古力

同埋餅乾，多謝晒～

Kikusan

今日雖然一號風球，不過個風應該都打唔成，出去買D野，先食個晏，去咗銅鑼灣希慎廣場食，去咗十三樓新開呢間

睇個名應該係食日本野

地方好闊落吓

調味樽有寫係乜野，唔使估估吓

原來除咗日本野食，都有中式野食

我個位好凍吓，叫杯熱薑檸蜜飲

我諗住嚟食日本野，所以冇叫中式野食，三款壽司

沖繩苦瓜炒豚肉，食物唔錯

影片分享

 

呢幾日不停出現嘅洗腦歌PPAP，短短幾日間俾人翻咗無限個不同版本，大家一齊嚟洗腦，I have a pen....

Ice puff

之前日本有報導會出櫻花鍋果陣，我睇相鍾意白色多D，後尾日本出果陣，先出粉紅色，我覺得太貴所以冇買，亦冇再留意白色幾時出同幾錢，點知我上ebay睇野，見到日本限量白色櫻花煲，吓！！成萬二蚊？？！！

　傻的嗎？連運費一萬二仟幾，有人會買嗎？

噚日响天后食完越南菜，就去咗維園捉精靈，雖然都捉到D，但係都仲未夠數，我諗要去多次先得啦，捉完精靈，臨走前先去食個甜品

去咗呢度立食

最近麥記出咗阿華田味雪糕，呢度都有阿華田味脆脆

我叫咗原味雞蛋仔跟70%朱古力意大利雪糕，朱古力味好濃郁，正～

越國坊

又到星期一，過去一星期好忙，忙到冇時間玩Pokémon GO，今日想去捉精靈，想去維園捉，所以去咗天后果邊食晏

食越南菜

紅黑色設計

迷你火車頭

香茅雞翼

凍檸茶，食物OK的

後記: 黃昏收到好JM個心肝寶貝離開咗佢，好意外，前兩日响fb見佢po相，果陣仲係好地地

安息吧U.U

Foreo

好JM有好物，梗係會分享吓，上次同好JM食晏，食完去咗ifc連卡佛行街街，因為佢要買生日禮物俾人，所以去咗化妝品部行，佢介紹咗個洗面機俾我，話好用，Joyce個counter得一個男售貨員，個面黑到好似父仇未報咁，問佢野好似好唔想答，所以我地睇完就走咗，咁我就去咗另一間都有同款洗面機賣嘅舖頭買

我係混合性皮膚，所以買咗藍色

有保用咭同叉電線

呢邊洗面

呢邊導入

買埋支矽膠清洗噴霧

Café Férié

以前响上環番工，日日响上環食飯，所以上環D食店都幾熟識，當然，香港地都變得好快，幾年間，好多野唔同咗，有D舖頭執咗，有D搬咗，又開咗好多新野，但有D從頭到尾都响度，好似今次食晏呢間

好耐冇嚟

午餐餐牌

先嚟杯咖啡

沙律

蒜蓉包

D餐

H餐

玉桂蘋果多士，食物好似冇以前好，但係都OK的

翠河

又到星期五，呀仔今日去露營，呢幾日幫佢執野，買野，因為我未去過露營，所以唔知要買乜帶乜，個packing list又遲遲未收到，求求其其買咗D唔知啱唔啱，終於前日先收到，噚日又去買野，買完唔啱又要番去換，走嚟走去，終於攪定，呢幾日可以抖抖

午餐唔想走嚟走去啦，近近地去咗附近食

茶餐廳

常餐，有多士同火腿蛋

熱鴛鴦

五香肉丁公仔麵

行過間傢俬店，聽到呢首歌

始終都係佢最得最好