車仔麵專家

呢排真係好熱吓，胃口都冇咁好，出開去上環，簡單食個車仔麵

好似灣仔都有一間

門外畫咗漫畫，叫人响呢邊排隊

店內環境

原來係甘小文畫嘅

牆上有白武士頭盔

點餐紙

四餸麵

麥精紅豆冰，食物都OK

Mee....lemongrass

又出銅鑼灣啦，去咗皇室堡，一排冇嚟，原來地庫已經改變咗好多，以前嘅電器舖相機舖冇咗，變咗賣衫，食肆都改咗，淨係果間食冰乳酪仲响度

以前食肆位都係做食肆

試吓呢間馬來西亞菜

餐廳環境

餐牌

飲品甜品

海鮮喇沙

珍多冰，食物都OK

香港仔君豪

好熱呀，好熱呀，熱到爆，都唔想出街，近近地响西環食碗粉

第二次嚟

店內環境

餐牌一，叫咗野先發現有魚麵，早知食魚麵

餐牌二

魚蛋魚片河

想飲柚子茶但係冇，改飲檸樂，食物都OK

佳佳

話說果日去買校服，臨近開學，好多人去買校服，排長龍，每個人都花成差不多半小時買衫，早知個個都咁遲去買校服，我就早一個星期去啦

買完校服，經過甜品店，上次响Mart in Hong Kong食過呢間嘅甜品，都唔錯，就入去安歌

佐敦店

都坐咗六七成滿

有相睇

價錢都幾大眾化，西環食開果間貴好多

凍花生麥米粥，唔錯

帕卡

又打風，好彩個風匆匆來又匆匆走，而且啱岩打完風，大家都有所準備，而且半夜打，最少人响外出

打完風，一切又回復正常

早前CS嘅購物夜，送咗幾張贈券，去到八月三十一日，拿拿淋趁到期前去換咗D贈品佢

生蠔兩隻，唔錯，都肥美

果汁一支，我選咗呢個味

喜馬拉亞山粉紅岩鹽

有埋個刨

仲有雪糕

好JM去咗台灣玩

買手信都記得我，多謝晒～

我愛廣東歌

行過時代廣場，見佢個展覽館又轉咗主題，今次係廣東歌，我都係聽廣東歌大嘅

門外好似唱碟機卡式機

門口似收音機

展示多張各個頒獎禮嘅相片

場刊及宣傳單張等等

大會T-shirt

最吸睛係各個獎座，幾多歌手附出幾多努力先可以得到

有黑膠唱片介紹，好古老

呢D新少少

黑膠碟唱機，我記得我呀爺以前都有一部

仲有介紹卡式帶

都好舊啦

唔少得有鐳射碟啦

各種舊式唱機，而家全部都數碼化，不過最近又興番黑膠碟

有唔同書法寫嘅歌詞

又可做善事

亦有音樂會

打風

星期三打完風，又話有另一個風嚟緊，原本我聽到打風都開心，因為可以放一日假，以前讀書又好，返工又好，有一日額外假期好開心，而家就因為兩個細路唔使番學，我可以瞓晏D，唔使一早起身，但今次個十號風球，令我有另一番嘅諗法，睇到颶風嘅破壞力，忽然覺得其實打風係唔值得開心，始終呢個都係天災，人命傷亡，家園被毀，要工作嘅人冒險番工，風後嘅善後工作等等，都令我覺得唔打風好過打風，噚日打完風，見滿街垃圾，交通大塞車，因為馬路上有好多跌落嚟嘅樹幹擋咗一條行車線，見到工作人員不停清理，果一刻覺得打風只有係破壞，香港已經算好，澳門仲大件事添，而家希望打唔成風啦

又嚟？希望打唔成

希望全部船員安全回家

辛苦啦，工友們

今次真係好多樹塌

澳門更可怕，天佑澳門