星期三打完風，又話有另一個風嚟緊，原本我聽到打風都開心，因為可以放一日假，以前讀書又好，返工又好，有一日額外假期好開心，而家就因為兩個細路唔使番學，我可以瞓晏D，唔使一早起身，但今次個十號風球，令我有另一番嘅諗法，睇到颶風嘅破壞力，忽然覺得其實打風係唔值得開心，始終呢個都係天災，人命傷亡，家園被毀，要工作嘅人冒險番工，風後嘅善後工作等等，都令我覺得唔打風好過打風，噚日打完風，見滿街垃圾，交通大塞車，因為馬路上有好多跌落嚟嘅樹幹擋咗一條行車線，見到工作人員不停清理，果一刻覺得打風只有係破壞，香港已經算好，澳門仲大件事添，而家希望打唔成風啦
沒有留言:
張貼留言