奇蹟

上次去LUCQUES travern食野，見到個可愛skillet好想敗一個，睇嚟睇去冇乜啱，LC都幾好，但顏色唔多like，上星期見LC公佈會出雪紡粉紅色系列，其實之前出過，所以都冇乜興趣，點知前日公佈今日出雪紡粉紅skillet，個色我like喎，今日拿拿聲去買

因為想睇睇其他野，所以去中環旗艦店，諗住會冇咁多人，一定齊貨，點知去到佢話得display果個，冇晒啦，吓！

其實我唔介意買display，今日先開賣，都好新淨，但係display隻耳仔崩咗，睇到裏面黑色嘅鑄鐵，爛嘅買唔落手，一場嚟到買唔到，好失望，正當我想走嘅時候，奇蹟出現呀，sales响枱下底攞咗個新嘅出嚟，話：「原來重有一個，你真係非常好彩。」吓！！

咁嘅奇蹟唔係第一次發生，因為幾個星期前，我買旅行袋時，同樣發生咁嘅奇蹟，個sales又係話得display，但個display又係爛嘅，又係好神奇咁响枱下底攞咗個新嘅出嚟！！！＞＜”

講返呢個奇蹟，今次總算冇白行，23cm鑄鐵手柄，好靚靚

買skillet set連埋呢對碟，我唔係太愛LC stoneware，不過冇得分開買，豬頭骨都要啃

Glass marker，好可愛啦

一直想買White白色媽咪鍋，我上網睇過，價錢唔平，因為已經冇再出，物以罕為貴嘛，點知LC新出個cotton白色，正，啱晒我，但係得18cm，我覺得太細，所以冇去睇過，今日見到真身，好靚，重係try me價錢，就係咁買咗佢，同佢嘅好姐妹Chiffon Pink

LC stoneware我唔太愛，但係情有獨鍾20cm圓碗，紫色最後一個，買埋

下午茶時間

整個法式煙肉芝士蛋批，先整批底

將批底材料混合好

麵團放入雪櫃鬆弛

即買即用，用嚟炒煙肉，順便養鍋

焗好批底

舖上煙肉

倒入蛋汁，灑上芝士，焗半個鐘

食得啦(^O^)

Summer privilege night 2014

又到咗一年兩次連續兩日嘅privilege nights，係咪一年兩次呢？好似係一年兩次，我都唔係好記得，收到電郵又有時間就會去，都冇認真睇清楚一年做幾多次，睇返個電郵，今次係summer privilege nights，咁應該重有個winter privilege nights，唔係喎，又好似係叫Christmas privilege nights喎(@_@)

我做咗e-card會員好幾年，亦去過幾次privilege night，以前會响food court間一個地方俾會員食野同飲野，人少少，食吓飲吓傾吓計好輕鬆，呢幾年越嚟越多會員，變咗人逼人，食野好似要搶咁，上次去完已經諗住唔會再去，但今次個電郵話會換禮物，咦改咗喎，走去睇睇先

今次改為憑咭換禮物，有一盒大師姐曲奇同一個旅行用嘅插蘇

另外有六張coupon，兩張係响privilege nights其間，免費換香檳一杯，兩張啫係有兩杯，另外四張係換其他食物嘅，但要响privilege nights之後先用得，香檳要四點後先換得，我走果陣未夠鐘，冇換到

除咗買日常用品食品之外，買咗呢款菠蘿乾，好好味，唔會乾巴巴，缺咗貨一段時間，終於返貨啦

另外買咗樽櫻花清酒，鍾意呢個樽，清酒入面有朵櫻花响度浮浮吓(^^)

八月

話咁快就到咗八月，仍然係好鬼熱

噚日响度諗：個洗衣機之前壞過幾次，再壞就買過部，趁佢未壞之前買就啱，點知噚晚洗洗吓衫就壞咗><"

真係黑仔，D衫响裏面，攞唔到出嚟，唔知點攪

醫咗肚先，來個簡易午餐：檸檬蜜糖焗雞胸伴無花果沙律

材料有雞胸、檸檬、蜜糖、Haloumi cheese、thyme，無花果沙律

焗爐180C預熱，將雞胸排好，放焗盤上

Haloumi cheese切件放响雞胸之間，檸檬皮刨絲同thyme一齊放上

蜜糖同橄欖油各兩湯匙，攪勻淋响雞胸上，入爐焗三十分鐘至熟

伴無花果沙律食，酸酸甜甜，啱晒夏天食

是日敗物，望穿秋水，等了又等，終於嚟到

午後の紅茶 x LC磁石，好可愛嘅花盅\^^/

Jamie's Italian

英國名廚Jamie Oliver嚟香港開咗間意大利餐廳，今日同好JM去試吓

去到門口要排隊，話要等一個鐘，同埋唔可以行開

等咗四十分鐘，可以上去bar枱坐住等

等咗一陣就有位

咁鬼熱，叫杯lemonade飲，另外果杯唔記得叫咩

Menu一眼睇晒

頭盤cured meat，OK

Orange, fennel & bocconcini salad，普通

Lamb Lollipops，幾好

幾juicy

Our famous prawn linguine，叫咗個細size嘅

生咗D

Tutti Fruitti Meringue Tart，OK唔太甜

Strawberries & Cream，塊薄脆幾好味

整體嚟講，服務非常好，價錢算平，味道不過不失

Jamie Oliver係名廚，唔係米芝蓮名廚，佢嘅餐廳係主打新鮮食材，同埋大眾化食物，大眾化價錢路線，所以唔好諗住好好好好食，因為好多朋友，一講Jamie Oliver就覺得：名廚啊，一定好美味

是日敗物，既然去到，點都買番少少野

買咗四個銅碗，同埋幾隻碟仔，原本想買serving board，但覺得質地麻麻，所以冇買

水牛城雞翼

下午茶時間

我好鍾意食水牛城雞翼，香港我最鍾意食Dan Ryan，上次去美國水牛城，都冇去食佢，下次有機會再去嘅話，一定要去試吓

其實水牛城雞翼唔難整，最重要係用Frank's Red Hot Sauce，我上網搵食譜，正宗嘅食譜都係用呢隻醬，我發現好多人係去旅行或公幹或托朋友响美國or加拿大買返嚟，原來好多人唔知呢隻醬响香港買得到嘅，除咗Red Hot Sauce之外，重有隻Buffalo Wings Sauce，下次買嚟試吓，今次試整個原裝版先

材料好似好多，其實係個blue cheese dip sauce最多野，洗咗芹菜，切好雪凍

blue cheese、sour cream、mayonnaise、檸檬汁、蒜蓉、牛奶打成醬放雪櫃備用

麵粉同paprika混合成炸粉

雞翼解凍後，洗淨抹乾，撲上炸粉

落鑊炸至金黃色，如果唔想炸可以煎，亦可以用焗爐焗

最重要嘅材料*Frank's Red Hot Sauce*

個包裝紙有個簡單食譜，大致上都係咁整

將個汁煮滾，我覺得淡咗D同埋稀咗D，所以慢火收一收個汁

將炸好嘅雞翼放落辣醬撈勻就得啦，我覺得個汁鹹咗D，個汁收多咗，下次收少少就perfect啦(^^)

朋友去新加坡旅行，不忘買手信俾我地，真有心

多謝晒(^O^)

LUCQUES tavern

是日星期六，今朝天陰陰，出門口果陣重落雨添，去咗尖沙咀，周圍都係人，食店更加大排長龍

去咗呢間LUCQUES tavern，唔使排隊

前身係Dan Ryan，雖然改咗名，裝修咗，但都係同一集團

先來個麵包籃

唔太肚餓，來個weekend brunch，我的Spanish Skillet，味道偏鹹，但個skillet好可愛，想敗番一個(^O^)

十三姨丈的Beverly Hills Permium Burger，OK

呀女食The King Loves Pancakes，好大塊，直徑有成八吋咁大，點都食唔晒(@_@)

胡椒餅

呢排趁得閒，响屋企執屋，呀仔間房亂過亂世佳人，執完間房覺得好舒服好乾淨，再去實惠買D膠箱，執埋個廚房，廚房最多雜物，將D雜物入箱放好，整整齊齊

上次响台灣食過胡椒餅，覺得好味，今日來試做一下

材料先準備，豬肉、葱、黑胡椒、依士、白芝麻，麵粉、豬油、調味料等等

先將餡材料混合

然後整油皮

再整埋個油酥，分開一份份

油皮包油酥

包埋饀，收口，包面濕水再印上芝麻

入爐焗40分鐘

趁熱食(^o^)