雲呢拿雪糕

兩個細路就嚟開學啦，好快又開始新嘅學期，人年紀越大呢，D時間就好似倒水咁去咗，想唔認老都唔得(￣▽￣)

雖然立咗秋，有排都未凍啦，嚟個自家制雪糕

材料非常之簡單

蛋黃兩隻加砂糖八十克

牛奶150ml加半支雲呢拿枝，煮到微滾就得啦

蛋黃同砂糖打勻，變成淺黃色

將煮好嘅牛奶慢慢續少續少咁倒俾蛋黃度，唔可以太快亦唔可以一次過倒入，如果唔係D蛋會熟咗，變成炒蛋咁

倒返落鍋，邊煮邊攪，煮到82C以上，可以殺死沙門氏菌

煮完坐冰水降溫，降到凍凍地

倒入鮮忌廉，兩者混合好之後，放入雪櫃雪凍

雪凍之後倒入雪糕機攪，個雪糕機幾年前响萬寧換嘅，個膽要早一日放入冰格雪凍咗先，用咗幾年仍然運作良好

攪好之後，放入食物盒雪幾個鐘

食得(^O^)

呀女鍾意加拷碎嘅麥提沙，正～

雖然唔太愛LC stoneware，但呢個甜品杯好靚，個色又鍾意，所以敗咗，而家出咗個大size嘅，可以裝水果，心思思想敗一個

巴別橋

幾年前聽朋友講，西環第三街有間食BBQ好好味，佢話果度嘅食物新鮮又唔貴，個燒汁好好味，但一直冇機會去，最近去過一次，但係好多人冇位，我地最終冇幫襯，走咗，又聽講而家出咗名，多咗人去，質素差咗咁話，我都好想試吓睇吓係咪，可惜冇緣

想食BBQ，去咗大坑嘅巴別橋，平時星期五、六晚去大坑嘅話，會好多人，間間都高朋滿座，今晚星期日，好少人，間間食店都有位，唔使逼唔使等

成間舖一眼睇晒，因為全玻璃牆

先食碗豬骨湯烏冬打底，因為淨食燒烤唔飽

一口蕃薯、芝士腸，兩個細路最愛

牛油粟米，又係為兩個細路而叫

燒菠蘿，好甜

三文魚頭連鮫，十三姨丈最愛

汁燒廣島蠔，正～

鹽燒海虎蝦，好多膏，好味

燒馬友，新鮮軟滑(^O^)

食完燒烤，當然要食甜品，呀女最愛Lab Made

Opera味，唔錯

鼎泰豐

是日星期六，走咗去新港中心食鼎泰豐，我地去過台灣同新加坡嘅鼎泰豐，全家都鍾意食佢地嘅小籠包，香港呢間我食過，但佢地未食過，所以去試吓佢

去到新港中心，好多人呀，全部自由行，經過金舖，嘩！生意興隆呀！

等咗一陣就有位，比台灣同新加坡快得多

招牌小籠包，要叫兩籠先夠食（≧∇≦）

清燉雞湯麵，雞湯唔錯

拉麵亦OK，但我覺得翡翠好食D

紅油炒手，蝦肉餃子，GOOD

糯肉燒賣，麻麻

就三個地方嚟講，我覺得最好食都係台灣

今晚有朋友嚟我屋企，一排冇見，小朋友大個晒，朋友送嚟中秋月餅

榴蓮月餅，個盒幾靚喎，見個盒咁高，以為有兩層

仲有奶黃月餅，多謝晒～

保佑

噚日又再發生冧樹意外，今次唔係壓到一個人，係兩個人，因為壓到嘅係一個懷有三十八週嘅孕婦，好唔好彩媽媽救唔到，BB雖然救咗出嚟，但仍然未渡過危險，上天保佑，希望佢平安無事U.U

呀仔想食雞翼，嚟個簡易西班牙臘腸橄欖焗雞翼，roasted chicken wings with chorizo and olives

材料有西班牙臘腸、橄欖、雞翼、奧勒岡、檸檬、蒜頭等等，先預熱焗爐200C

將三份一條臘腸切開四份，橄欖四、五粒去核再洗一洗

雞翼洗淨抺乾，第一次試呢隻有機雞翼，有部份雞翼有毛，要清一清

將雞翼、臘腸、橄欖放上焗盤

再將半個檸檬、四五瓣連皮蒜頭、幾支奧勒岡放上

灑上鹽、胡椒粉同埋一湯匙橄欖油，全部撈勻後入爐，焗三十分鐘

掉咗檸檬、奧勒岡就食得啦，如果鍾意甜D可以加少少蜜糖，又或者可以加D蔬菜一齊焗，好似車厘茄、洋蔥、薯仔之類咁

最愛牛丸

上次去我嘅好鄰居屋企食晚飯，佢介紹咗一隻牛丸俾我食，佢話响新蒲崗買嘅，好好味啊，但如果叫我專登去新蒲崗買牛丸，又好似太大陣仗，所以我都冇問佢响新蒲崗邊度買

我同佢講如果佢去買嘅時候，順便幫我買D，佢亦好好人幫我買咗，隔咗一排，佢今日又去買，又再幫我買咗，正^o^

好好味嘅牛丸

隨牛丸附送蒜蓉同沖菜，重有葱粒

米粉我最鍾意食超力

煮個米粉加幾粒牛丸，一人前

好味~

下晝同呀仔去攞護照，唔使一個鐘，都幾快，攞完護照同呀仔食個下午茶

去La Masion du Chocolat食

呀仔唔太愛食甜品，但就好鍾意食馬卡龍

再加杯朱古力雪葩\^O^/

紅色暴雨

噚晚打雷好大聲，重好大雨，我當然係响屋企，睇新聞原來有D地方水浸添

今朝早又落大雨，又紅色暴雨，原本想出去買野，落雨濕濕唔想去啦，不過呀女今日下晝有生日PARTY要去，成班同學仔去食野+整蛋糕，好彩下晝冇乜雨

同呀仔二人世界，簡簡單單煮個意粉，意式火腿及芝士伴意粉prosciutto and cheese with pappardelle

材料先準備好

意粉跟包裝指示煮熟

隔去水份

兩湯匙橄欖油，炒香適量蒜片

落適量嘅鹽同胡椒粉略炒香

倒入意粉炒勻

意粉放上碟，放入意式火腿、乳清芝士、巴馬臣芝士同埋羅勒葉，得咗^o^

呀仔鍾意食芝士，一加再加，刨完又刨，成個碟都係芝士^ ^

可惜

今日收到一個壞消息，才華洋溢嘅Robin Williams先生離世，一個帶俾大家咁多歡笑咁有天份演員，咁快離開咗我地，好可惜，希望佢嘅家人節哀順變

Rest In Peace