京林屋

最近綠茶熱潮，方興未艾，我都鍾意飲綠茶同埋食綠茶味嘅食物，之前尖沙咀開咗間綠茶甜品店，好多好多人，而且响九龍，所以一直未有機會去試，唔緊要吖，香港區都有

去咗銅鑼灣希慎廣場嘅京林屋

門口嘅假食物都好吸引

有蛋糕卷

餐牌

原本想試吓抺茶，但係又驚太濃接受唔到，所以都係飲玉露

全部木坐位，有幾個特別位，我見人地入去係縮低個頭坐入去，坐低之後見唔到個樣，怪怪地

天花同店舖好唔同，原來天花係成個商場一樣

香港限定芭菲

玉露

有紙牌教埋你點飲

先倒熱水入呢個杯度

然後倒入茶葉度

焗三十秒至一分鐘

倒出嚟飲

飲咗三、四次之後

倒豉油入茶葉度

用筷子夾嚟食

打邊爐

好少响屋企打邊爐，對上一次，啫係第一次，應該係舊年，屋企人嚟食飯，個個帶D食物嚟，我未試過响屋企打邊爐，所以我叫咗火鍋外賣，今次係第二次响屋企打邊爐，都係叫火鍋外賣，十三姨丈去咗上海公幹，所以得我地三母子食

新爐開光，因為個爐响底散熱，我地又用膠枱布，所以响底墊咗塊雲石

好JM介紹呢間火鍋外賣，舊年幫趁過覺得OK，如果自取有八折，我果區免送貨費

海鮮濃湯湯底

咁細包嘅，要加滾水，變咗清湯底

安格斯牛肉

花蛤，今次細隻過上次

草蝦

蟹柳

墨魚滑

水餃

午餐肉

開動囉

外賣係噚日落單，今日同兩個細路講話食打邊爐，佢兩個話唔好，我話叫咗冇得改，但係兩個都食咗好多野，除咗花蛤同水餃佢地冇乜食之外，全部清碟，今次用22cm LC鍋，覺得太高身同圈口細咗D，我想要個24cm risotto呀

The Fat Pig

是日星期六

嚟緊呢個星期仲有比賽，之後就可以鬆一口氣，迎接聖誕節，今年聖誕節留港，要諗定聖誕大餐食乜東東

晚餐出去時代廣場食

上次見到呢間新餐廳，今日嚟試吓佢

唔知係咪真係用嚟裝啤酒呢

呢度獨沽一味食豬

長梳化，人多可以拍埋

大個水吧

雜錦拼盤

豬肉腸

豬肉芝士通心粉

豬肩肉包

溫泉蛋豬肉薯餅

炆豬腩肉

個煲仔好似Staub 

菜心蜜糖豆沙律

朱古力焦精燉蛋

杏仁凍配李子蓉

呢度全部食豬，雖然大廚係鬼佬，但呢度唔只有豬肉，仲有豬頭、豬膏、豬耳果D，份量較細，侍應話佢地嘅概念係想客人分享，碟碟食少少咁，味道唔錯，價錢亦唔算貴，服務亦唔錯，有禮貌同細心講解，係甜品較失色

星球大戰展覽@時代廣場

呢期時代廣場放咗星球大戰嘅大型展覽，宣傳就嚟上畫嘅星戰電影，全部係大型Lego砌成嘅星戰人物同太空船，有個好JM個仔同老公都好鍾意星戰同埋Lego，今次佢地實行大出血，因為今次套電影出咗好多商品，簡直係冇處不在，連冇睇開星戰嘅我都知道

呀仔有段時間好鍾意Lego，我同佢砌過唔少Lego，所以對Lego都好熟識，如果去開銅鑼灣，一定要嚟睇吓，因為真係幾靚

我其實冇睇星戰，細個冇錢睇，大咗有時電視有做番，但係斷斷續續睇過，唔記得內容，而且冇睇第一集嘅話，之後果D會唔知佢講乜，所以一路冇睇

呢D係咪叫白武士？

經典人物，認得個樣

黑武士?

係咪太空船？

似機械人，係咪呢？

戰機？

有個真實版Lego响旁，好多龍友影相