紅地毯晚裝

奧斯卡曲終人散，塵埃落定，四大主角全部大熱勝出

我唔係時裝精，不過最近睇咗個節目，講歷年二十大紅地毯晚裝，我最記得係Nicole Kidman同湯佬一齊果時，着一條領口有刺繡嘅黃色裙，我諗就算冇睇過奧斯卡都應該有印象見過張相，又講幾時開始D女星着靚靚晚裝行紅地毯，節目內受訪嘅行內人講，多得Joan Rivers响採訪紅地毯時，問女星們着乜野牌子，而令佢地有工做，响節目入面，播咗一D舊片段，以前D女星真係冇着得咁靚，幾causal吓，所以睇完，我都有留意吓，今年似乎流行大蝴蝶結、金屬色同白色，因為呢幾樣都多人着

呢條裙好靚，髮型同耳環都好襯

裙好靚靚，好啱行紅地毯

佢之前都係黑色多，今年呢條裙無論顏色同款色都好啱佢，耳環都襯埋，好靚

條裙好靚又性感，個叉同對鞋影得佢隻腳好修長，呢張相隻腳打側咗，响電視見佢企直，隻腳好修長

今年好多黑人演員着金色，可能順便宣傳吓套戲，佢揀衫好有眼光

佢D裙都係大路款多，今次呢條我幾鍾意

點可以冇佢呢？最近睇果十大紅地毯晚裝佢佔都兩位，呢條裙影得佢好瘦，呢個藍色好靚

佢雖然係模特兒出身，揀衫唔算好靚，今次條裙係應該主要係襯條鏈，條鏈睇落好名貴

佢揀衫都好靚，自從PK咗一次之後，都係揀直身晚裝，但我最鍾意佢PK果次條裙

條裙好靚，佢亦着得好睇

條裙好靚，首飾好襯，青春無敵

裙好靚，手袋好得意，但覺得佢好似成晚用手臂夾住條裙咁

顏色好襯佢，青春美麗

好端裝，好啱佢年紀，條鏈好靚，好似好貴

通常佢揀衫麻麻地，今次條裙幾靚，睇落個人都年輕咗

原來條裙係佢1962年攞獎果條裙，好驚訝佢仲啱着，條裙仲保留得好好，同埋睇唔出咁大年紀，但我覺得佢1962年果時靚D，而家其實係下半身冇改，上半身改咗款，同埋對手套同頭巾好似有D多餘

人紅自然都靚D，條裙佢着得幾靚，好適合佢

呢套衫好青春好靚，亦好岩佢，但個人覺得，行紅地毯着褲唔係咁啱場合

相片來源：IMDb