巷仔見

經過幾次呢間食店，但係冇入過去，因為响巷尾，冇專登行入去，早幾日又經過，我就同自己講，再經過就入去試吓，估唔到咁快又經過，咪入去試試佢

响長走廊尾，又唔係最尾，其實唔算巷仔，個名叫巷仔見，可能係指以前食街邊檔果種巷仔？以前街邊檔又好似唔係响巷仔喎，點都好，呢間係主打懷舊美食

藍色門面、公雞碗標誌，好易認

環境清潔，變咗藍色嘅街市檔燈同長櫈都好有懷舊feel

牆上色彩繽紛，睇真D，原來係十大武器之首——摺櫈

雲吞麵，淡咗D

豬腸粉

碗仔翅，幾足料

腐竹薏米雞蛋糖水

仲有好多懷舊野食，好似煎釀三寶、生菜魚肉、薄罉等等，食物唔係特別好，都係食回憶，不過我又覺得食唔返以前果種味道，但服務就好好，侍應友善有禮，笑容滿面

夏雪

天氣開始熱，出一出街就成身汗，當你响條街度熱死辣辣，就想去飲杯冰水或者食個雪糕

去開堅尼地城果邊，經過呢間甜品店，門口個牌話有北海道富良野3.74牛乳雪糕，外賣$18，入去降吓溫先

見裏面冇乜人，不如坐底食涼吓冷氣

餐牌响牆上黑板

相片响ipad

有免費wifi同自助小角落

我叫咗purple waffle $78，好靚靚，都幾好味喎

Purple latte $18，OK，原本想食嘅雪糕反而冇食，因為太飽啦

Seoulmate

呀仔今日運動會，雖然冇獎牌攞到，但係都玩好開心

去完運動會，諗住去西盈盤買餸，肚餓添，先去食D野先，去咗第三街嘅Seoulmate

睇個名都知道係韓食

餐牌嘅韓式涼茶幾得意，不過我好熱，唔想飲熱飲

落咗單俾咗錢，會俾個牌你

原本想叫panini，佢話今日冇，改咗BBQ豬肉飯卷，都OK，但一D都唔辣

凍柚子茶，夠凍

見到甜品櫃，都想試吓，有個甜品想試，但係係兩至三人份量，其他冇乜想食，所以最後都係冇食

响7-11見到呢本書，買咗

其實係兩本書，一紅一黃

簡易腸仔意粉

呀仔好鍾意食腸仔，但一般加工腸仔係冇益，不適宜多吃，市面都有新鮮肉做嘅腸仔，雖然都係雪藏肉，都好過加工果D，其實最好當然係自己整，但係就要買整腸仔嘅零件，同埋買腸衣，都有諗過買，等下次去美國果陣去KA睇睇

未有得自己整腸仔住，先整一個簡單義式腸仔意粉

材料有鮮肉腸仔、椰菜花、意粉貓耳朵，椰菜花煮至半熟

腸仔去衣，將肉分成一舊舊

意粉跟包裝煮熟

落油

煎熟肉丸

椰菜花落鑊

得咗

南京東路

星期日晚，原本就係要早瞓，但係因為聽日學校補假，所以兩個細路聽日唔使返學，可以出去食飯

出去銅鑼灣食，原本想去皇室堡間牛角食日式燒烤，但係超多人等位，改咗去南京東路食上海菜

醉雞

炒翡翠苗

樟茶鴨

松子桂花魚

小籠包

雞火炒飯

叫做水中花嘅豆腐花

芝麻湯圓，呢度食物普通，但係服務就幾好

話梅花雕醉雞翼

上次整過話梅醉雞翼，覺得味道唔多夠，上網搵吓其他食譜，有D食譜係加花雕酒，係喎，加花雕應該好味D，仲可以加雞湯，更多雞味，好，試試先

先預備材料，香糟露上次買咗未用，支花雕係之前飲剩，雞湯係之前去超市買野送嘅，話梅就就過年前响么鳳買嘅

材料預備好

雞翼煮熟

隔去水份

浸泡冰水至完全冷卻

將香糟露、花雕、話梅、杞子同埋雞湯混合好，味道自己試，我大約係三份二香糟露，三份一花雕，再加少少雞湯

試好味就將抺乾嘅雞翼放入去

放入雪櫃浸過夜

食得，今次D話梅鹹過之前果D，所以鹹咗少少

金田家

今日又出動，出去銅鑼灣，下午時段，非繁忙時段，度度都唔使排隊，正呀

去咗上次想去但未開嘅金田家

餐牌一眼睇晒

豆牙叉燒拉麵加溏心蛋

好溏心，GOOD~

走咗去買花，要嚟送俾好JM生日

見到粉紅士多啤梨，好靚

上次食過呢隻西班牙火腿，又買嚟食吓

話說LC星期日出新色，coastal blue煲唔係新色喎，兩年前出過啦，石頭就係新色，咁我唔使去睇啦