辦年貨

仲有兩個幾星期就過年，又係辦年貨嘅時候，之前好JM送咗一D年貨俾我，而且我地過年唔响香港，所以我其實都冇乜野要買，都係去買利是封同攢盒野食，去咗么鳳買瓜子涼果，我通常買一包雜錦涼果，放响攢盒意思意思就算，因為冇人食，唔想浪費，但有人食果D，我就會買多D

一入舖頭就見到呢隻貓貓，完全唔怕人，任摸唔嬲

今日冇雜錦涼果，只買幾樣野，黑瓜子呀女最愛，必買

新年流流又點可以冇紅瓜子

金錢朱古力，貪佢好睇好意頭，細路又鍾意

涼果我淨係鍾意食糖椰角

唔少得買番D唔係過年先食嘅果汁薑

特大話梅肉，諗住要嚟整話梅雞翼

蘿蔔糕三號

又整蘿蔔糕啦，蘿蔔糕二號食完，今次用為食貓個食譜，個份量都幾大，個食譜用瘦肉代替臘肉，健康D，但十三姨丈鍾意食，所以我都係用番臘肉，蘿蔔糕三號

今次試吓用日本大根

臘味炒香

加埋冬菇瑤柱蝦米

開好粉漿

煮好蘿蔔絲

加入粉漿

加入配料

入爐蒸四十五分鐘

三底糕攪掂，呢隻粘米粉顏色比較白，蘿蔔糕白淨過之前做果兩次

琥珀合桃

好JM送我一包合桃，我好少食合桃，以前大肚果陣食好多，因為人地話合桃補腦，食多D合桃，BB會聰明D咁話，唔知係咪呢，我有理冇理食咗先講，唔得都冇壞吖嘛

未整過合桃，上網搵資料，睇吓合桃可以整乜，最多嘅合桃食譜係琥珀合桃，而且一次可以用咗半包去，先試呢個用油炸嘅琥珀合桃

呢包合桃有一斤重

材料預備好，半斤合桃

先用滾水煮一煮

吸乾水份

白鑊炒香芝麻

冰糖加水加蜜糖煮滾

落合桃炒至汁收乾

攤開放涼

再用油炸至脆身

灑上芝麻

今次唔係好成功，合桃唔夠乾身，但又有少少燶，油溫要低少少先得，下次要試埋個焗嘅琥珀合桃

領證

申請咗兩個星期嘅特區護照有得攞啦，我上次係用〔常服務〕自助服務站，十五分鐘就完成申請手續，今日去領證唔使預約，去到有部讀條碼機，將張領證紙放入去，掃描條碼，出張號碼紙等叫號碼就得，唔使五分鐘，快！

舊護照註銷咗然後俾番我

領完證件，去咗CS買野，買麵包果陣，售貨員問我攞咗利是封未，有利是封攞咩？我都唔知

送羊年利是封

只得八個，其實冇乜用

今日買咗鏞記鵝肝腸

同臘腸試試

BLT

呢幾日冇開信箱，一開就收到好消息啊！呀仔入咗羽毛球隊(^O^)

辛苦練習，終於有回報

呀仔最鍾意食薯條，同佢慶祝吓，午餐去咗BLT食

我嘅Classic combo

呀仔食兒童餐Grilled Cheese sandwiches 

呀女同十三姨丈食BLT combo，份量都幾大，薯條都食唔晒

蘿蔔糕二號

今日全城LC迷熱搶，Cosmopolitan雜誌送LC Tea Set餐具，點解熱搶？一嚟係靚，二嚟係平，價值$198嘅餐具，而家只須五十蚊，有書有餐具，仲要係最受歡迎嘅粉紅色同紫色，同埋係最多人鍾意嘅花形同心形，七仔店員話只係返咗幾本，一返嚟就賣晒啦(>_<)

雖然叫咗幾個JM幫我搵，但全部落空

咁好賣，遲D可能响LC店有得賣呢⋯⋯（發夢中）

實際D，食飽肚最實際，再嚟試做蘿蔔糕，今次用謝寧個食譜，蘿蔔糕二號

材料比一號簡單

一部份蘿蔔我用bamix刨絲，一部份切粗條

粘米粉、澄麵加雞湯攪勻

炒香臘味同蝦米

蘿蔔加水煮十五分鐘

倒入臘味同蝦米

倒入粉漿

入蒸爐蒸四十分鐘

得咗，啱啱好兩底糕

後記

Cosmopolitan可能見咁好賣，而家話可以預訂

唔知有冇附帶條件，登記咗先算

打針

半年前割到手指，因為個傷口都幾深吓，所以要去醫院，諗住可能要縫針，醫生話可縫可不縫，咁就梗係不縫啦，但係都要打破傷風針，唔打唔知，原來要打三針，打完三針可以保你十年免疫，抵打:P

今日打埋最後一針

打完針去咗銅鑼灣食下午茶，去咗好耐冇去嘅麻布茶房

札幌拉麵

必食嘅宇治金時

食完野去買水果，塔斯曼尼亞車厘子

30-32mm一粒，大大粒，$350/2kg平過果欄

今日主要都係去買蘿蔔糕材料，必定要買嘅粘米粉

圓形同方形糕盤都有買